Val kos Drikus die Dash
Bergfietsry
Tielman van Lill
Drikus Coetzee het Sondag tydens sy laaste oefenrit 'n ernstige val met sy bergfiets op die Dordabis-pad beleef en sy sleutelbeen gebreek.
Coetzee is gister om 17:00 geopereer om die skade aan sy regterkantste sleutelbeen te herstel. Dit bring 'n einde aan sy geteisterde 2020-fietsryseisoen waar hy telkens deur siekte op die mees ongeleë tye getref is.
Drikus vertel: “Ek het Sondag my laaste lang rit ter voorbereiding van die Nedbank Desert Dash gery en my sleutelbeen gebreek. My Dash is verby en dit skaars vyf dae voor die byeenkoms.
“Dit is die eerste been wat ek in my lyf breek en dit moet tydens 'n operasie geheg word. Die herstelproses gaan tyd vat. Ongelukkig sal ek vir twee maande buite aksie wees. Ek sal graag Vrydag die wegspring wil bywoon, maar dit hang alles af wat die dokter aanbeveel.
“Uiteraard is ek geweldig teleurgesteld, want ek het baie hard gewerk en was lank laas so goed op peil soos nou. Dit het in 'n oogwink gebeur en toe is al my Dash-voorbereiding en planne daarmee heen. Ek weet regtig nou nog nie wat gebeur het nie. Dit was 'n fratsongeluk, want ek kan nie regtig alles onthou nie.
“Ek het teen 'n bult afgery en begin rem om iemand te groet wat van voor af gekom het en ook om om te draai. Die volgende oomblik het ek teen 43 km/h oor my fiets se stuurstang gevlieg en die teerpad eerste met my skouer en kop getref.
“Ek het oomblikke later besef daar is groot fout en geweet al my harde werk en ure se oefen is verlore. Met die harde slag teen my kop was ek vir 'n ruk lank duiselig.
“Ek wil die fietsrygemeenskap bedank vir al hul boodskappe en oproepe die laaste twee dae om my te ondersteun en op te beur. Ek is positief en sal goed herstel om weer einde Februarie die bul by die horings te pak.
“My opregte dank aan Heiko Diehl, my afrigter, wat in my glo. Baie dankie aan almal wat die afgelope seisoen moontlik gemaak het; ook aan die Janine en Suzelle Davin Sporttrust, Garmin Namibia, Indongo Toyota, Cymot, BRG Biokinetics en Hollard vir die bystand, hulp en begrip.”
Drikus Coetzee het Sondag tydens sy laaste oefenrit 'n ernstige val met sy bergfiets op die Dordabis-pad beleef en sy sleutelbeen gebreek.
Coetzee is gister om 17:00 geopereer om die skade aan sy regterkantste sleutelbeen te herstel. Dit bring 'n einde aan sy geteisterde 2020-fietsryseisoen waar hy telkens deur siekte op die mees ongeleë tye getref is.
Drikus vertel: “Ek het Sondag my laaste lang rit ter voorbereiding van die Nedbank Desert Dash gery en my sleutelbeen gebreek. My Dash is verby en dit skaars vyf dae voor die byeenkoms.
“Dit is die eerste been wat ek in my lyf breek en dit moet tydens 'n operasie geheg word. Die herstelproses gaan tyd vat. Ongelukkig sal ek vir twee maande buite aksie wees. Ek sal graag Vrydag die wegspring wil bywoon, maar dit hang alles af wat die dokter aanbeveel.
“Uiteraard is ek geweldig teleurgesteld, want ek het baie hard gewerk en was lank laas so goed op peil soos nou. Dit het in 'n oogwink gebeur en toe is al my Dash-voorbereiding en planne daarmee heen. Ek weet regtig nou nog nie wat gebeur het nie. Dit was 'n fratsongeluk, want ek kan nie regtig alles onthou nie.
“Ek het teen 'n bult afgery en begin rem om iemand te groet wat van voor af gekom het en ook om om te draai. Die volgende oomblik het ek teen 43 km/h oor my fiets se stuurstang gevlieg en die teerpad eerste met my skouer en kop getref.
“Ek het oomblikke later besef daar is groot fout en geweet al my harde werk en ure se oefen is verlore. Met die harde slag teen my kop was ek vir 'n ruk lank duiselig.
“Ek wil die fietsrygemeenskap bedank vir al hul boodskappe en oproepe die laaste twee dae om my te ondersteun en op te beur. Ek is positief en sal goed herstel om weer einde Februarie die bul by die horings te pak.
“My opregte dank aan Heiko Diehl, my afrigter, wat in my glo. Baie dankie aan almal wat die afgelope seisoen moontlik gemaak het; ook aan die Janine en Suzelle Davin Sporttrust, Garmin Namibia, Indongo Toyota, Cymot, BRG Biokinetics en Hollard vir die bystand, hulp en begrip.”
Kommentaar
Republikein
Geen kommentaar is op hierdie artikel gelaat nie