Vaarwel Aupapa Eliphas Shipanga

/AWEBAHE JOHANNES //HOESEB SKRYF:Daar is keurders wat oor die gawe beskik om talentvolle sokkerspelers uit te ken.Hierdie soort speler met die belowende talent om in 'n uitstekende sokkerspeler te ontluik, word aan verskeie fiksheidstoetse onderwerp en daarna deur 'n breier afgerig.Weens 'n hewige tekort aan sokkerspelers was ek egter glad nie onderwerp aan enige keuringsvereistes nie, maar is in 1981 opgeneem as speler in die enigste en eerste sokkerspan van die destydse Khomasdalkampus van die Akademie vir Tersiëre Onderwys.My liewe moeder en my geliefde oudste suster, onderskeidelik 'n koshuiswerkster en verpleegster op Outjo, het uit hul karige salarisse aan my behoeftes probeer voorsien. Ongelukkig was daar glad nie geld om sokkerstewels mee aan te skaf nie.Dit is hier waar wyle Aupapa Eliphas Shipanga onwetend en indirek vir my te hulp gesnel het, deur my vriend wyle Nashandi.Wyle Britho Shipanga was 'n tweede- en finalejaaronderwysstudent in 1981, en Aupapa Shipanga het altyd vir hom nuwe sokkerstewels van uitstaande gehalte gekoop en dit afgestuur van Oranjemund af of lateraan uit Swaziland. Aangesien hy meer as een stel sokkerskoene gehad het, het Britho altyd een stel vir my aangebied om mee te speel.Diegene wat saam met ons op die veld gedraf het, sal seer sekerlik onthou hoe Britho sy spanmaats vir die duur van die wedstryd gehiet en gebied het hoe om te speel, en net lof toegeswaai het wanneer ons 'n wedstryd gewen het.Nashandi het 'n ander deuntjie gesing as ons verloor het, want hy was 'n swak verloorder.Een van sy geliefde gesegdes was: "John, jenne, dit help nie veel dat jy met die tokse van 'n goeie sokkerspeler soos ek gespeel het nie. Jy is hopeloos man, al is jy ook my boesemvriend, jy het baie swak gespeel. Ek gaan nie meer met daardie sokkerskoene speel nie, omdat ek bang is dat jy vir my sal aansteek met jou hopelose spel."Aupapa Shipanga, dankie dat u my ten alle tye soos u broertjie liefdevol aangespreek en behandel het, ter erkenning van en waardering vir die hegte vriendskap tussen my en Britho.Mag God u familie wat met die verlies van u afsterwe in rou gedompel is, vertroos en u siel in salige vrede laat rus. Amen.

Vaarwel Aupapa Eliphas Shipanga

Kommentaar

Republikein 2026-06-10

Meld asseblief aan om kommentaar te lewer

Vaarwel Aupapa Eliphas Shipanga

Kommentaar

Republikein 2026-06-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.