Vaal 400-finaal sonder Namibiese staal
Christine Mboma en Beatrice Masilingi het gister sekerlik watertand toegekyk hoe die semifinale beslis word.
Tielman van Lill – Die 2020 Olimpiese vrouekampioen in die 400 meter word môre in die laaste baanitem van die aandsessie van die atletiekprogram in Tokio (14:35 Namibiese tyd) bekroon.
Marileidy Paulino van die Dominikaanse Republiek, die verdedigende Olimpiese titelhouer Shaunae Miller-Uibo (Bahamas) en Stephenie Ann McPherson (Jamaika) het hul semifinale onderskeidelik in 49.38, 49.60 en 49.34 sekondes gewen.
Die afwesigheid van Namibië se sensasionele 18-jariges Christine Mboma en Beatrice Masilingi was egter gister tasbaar in die taaierige humiditeit van Tokio. Mboma was wel in die stadion as toeskouer en uiteraard vir die medaljeseremonie vir die vorige aand se 200-finaal. Haar silwermedalje is deur die president van Wêreldatletiek, lord Sebastian Coe, oorhandig.
Op grond van Mboma se sedertdien onerkende beste 400-tyd ter wêreld vanjaar (48.54 in Julie 2021), benewens haar o.20-wêreldrekord van 49.22, en Masilingi se beste van 49.53 sekondes verlede maand, sou beide lag-lag vir die finaal gekwalifiseer het.
Die oorvleueling in die skedulering – die vroue se 200-meter-finaal en 400 meter-uitdunne het beide eergister afgespeel – is egter nie bevorderlik vir enige atleet ingestel op 'n dubbele aanslag, soos beide die Namibiese spoedvrate was nie. Dié skedulering verklaar ook hoekom Miller-Uibo in die 200-finaal so pap was en laaste klaargemaak het.
Indien Mboma en Masilingi in die 400 by die Olimpiese Spele in aksie kon wees, sou kykers wêreldwyd vandeesweek 'n veel smaakliker 400-dis in drie wedlope kon geniet het.
Te wyte aan Wêreldatletiek se absurde en diskriminerende regulasie betreffende die natuurlike hoë testosteroonvlakke in vroue, kon die Namibiërs nie vir die volle baanrondte aantree nie. Beide se uitnodiging vir dié item is minder as drie weke voor die Spele deur Wêreldatletiek onttrek en Mboma se o.20-wêreldrekord (48.54) is boonop deur die beheerliggaam verwyder. Slegs haar 49.22 word deur die liggaam erken, opgestel voordat die toetsuitslag bekend geword het.
Mnr. Henk Botha, afrigter van die twee Namibiërs, het gesê: “Ons gaan hul testosteroonvlakke normaliseer en die wêreld wys hulle gaan en sal nog steeds ewe vinnig hardloop.”
Veral Mboma het 'n uitstekende kans vir 'n goue medalje gehad, en Masilingi sou beslis ook môre onder die topdrie in die finaal kon geëindig het.
Die 400 meter se heersende wêreldtitelhouer is ook nie by die Olimpiese Spele teenwoordig nie. Die 23-jarige gebore Nigeriër Salwa Eid Naser wat in die kleure van Bahrein meeding, bly tot 2023 geskors omdat sy binne twaalf maande drie keer nie vir toetsing vir die gebruik van verbode middels opgespoor kon word nie. Sy het die 2019 wêreldkampioenskap in Doha met 48.14 gewen – die derde vinnigste tyd in die geskiedenis.
Jamaika en die VSA spog môre met twee finaliste elk, terwyl Brittanje, die Bahamas, Dominikaanse Republiek en Kuba elkeen een mededinger het.
Die agttal in die 400-vrouefinaal (met tye in semifinaal aangedui):
Baan 2 Quanera Hayes (29) van die VSA, 49.81
Baan 3 Roxana Gomez (22) van Kuba 49.71 (persoonlike beste)
Baan 4 Candice McLeod (24) van Jamaika 49.51 (persoonlike beste)
Baan 5 Marileidy Paulino (24) van Dominikaanse Republiek 49.38 (nasionale rekord)
Baan 6 Stephenie Ann McPherson (32) van Jamaika 49.34 (persoonlike beste)
Baan 7 Shaunae Miller-Uibo (27) van die Bahamas 49.60
Baan 8 Jodie Williams (27) van Brittanje 49.97 (persoonlike beste)
Baan 9 Allyson Felix (35) van die VSA 49.89 (seisoenbeste)
– [email protected]
FOTO’s
Christine Mboma het min emosie gewys terwyl haar Olimpiese 200-medalje gister deur die president van Wêreldatletiek, lord Sebastian Coe, oorhandig is. Foto Nampa/AP
Christine Mboma (links, silwermedalje), Elaine Thompson-Herah van Jamaika (goud) en Gabrielle Thomas van die VSA (brons) gister op die podium in Tokio vir hul 200 meter-medaljeseremonie. Foto Nampa/AP
Marileidy Paulino van die Dominikaanse Republiek, die verdedigende Olimpiese titelhouer Shaunae Miller-Uibo (Bahamas) en Stephenie Ann McPherson (Jamaika) het hul semifinale onderskeidelik in 49.38, 49.60 en 49.34 sekondes gewen.
Die afwesigheid van Namibië se sensasionele 18-jariges Christine Mboma en Beatrice Masilingi was egter gister tasbaar in die taaierige humiditeit van Tokio. Mboma was wel in die stadion as toeskouer en uiteraard vir die medaljeseremonie vir die vorige aand se 200-finaal. Haar silwermedalje is deur die president van Wêreldatletiek, lord Sebastian Coe, oorhandig.
Op grond van Mboma se sedertdien onerkende beste 400-tyd ter wêreld vanjaar (48.54 in Julie 2021), benewens haar o.20-wêreldrekord van 49.22, en Masilingi se beste van 49.53 sekondes verlede maand, sou beide lag-lag vir die finaal gekwalifiseer het.
Die oorvleueling in die skedulering – die vroue se 200-meter-finaal en 400 meter-uitdunne het beide eergister afgespeel – is egter nie bevorderlik vir enige atleet ingestel op 'n dubbele aanslag, soos beide die Namibiese spoedvrate was nie. Dié skedulering verklaar ook hoekom Miller-Uibo in die 200-finaal so pap was en laaste klaargemaak het.
Indien Mboma en Masilingi in die 400 by die Olimpiese Spele in aksie kon wees, sou kykers wêreldwyd vandeesweek 'n veel smaakliker 400-dis in drie wedlope kon geniet het.
Te wyte aan Wêreldatletiek se absurde en diskriminerende regulasie betreffende die natuurlike hoë testosteroonvlakke in vroue, kon die Namibiërs nie vir die volle baanrondte aantree nie. Beide se uitnodiging vir dié item is minder as drie weke voor die Spele deur Wêreldatletiek onttrek en Mboma se o.20-wêreldrekord (48.54) is boonop deur die beheerliggaam verwyder. Slegs haar 49.22 word deur die liggaam erken, opgestel voordat die toetsuitslag bekend geword het.
Mnr. Henk Botha, afrigter van die twee Namibiërs, het gesê: “Ons gaan hul testosteroonvlakke normaliseer en die wêreld wys hulle gaan en sal nog steeds ewe vinnig hardloop.”
Veral Mboma het 'n uitstekende kans vir 'n goue medalje gehad, en Masilingi sou beslis ook môre onder die topdrie in die finaal kon geëindig het.
Die 400 meter se heersende wêreldtitelhouer is ook nie by die Olimpiese Spele teenwoordig nie. Die 23-jarige gebore Nigeriër Salwa Eid Naser wat in die kleure van Bahrein meeding, bly tot 2023 geskors omdat sy binne twaalf maande drie keer nie vir toetsing vir die gebruik van verbode middels opgespoor kon word nie. Sy het die 2019 wêreldkampioenskap in Doha met 48.14 gewen – die derde vinnigste tyd in die geskiedenis.
Jamaika en die VSA spog môre met twee finaliste elk, terwyl Brittanje, die Bahamas, Dominikaanse Republiek en Kuba elkeen een mededinger het.
Die agttal in die 400-vrouefinaal (met tye in semifinaal aangedui):
Baan 2 Quanera Hayes (29) van die VSA, 49.81
Baan 3 Roxana Gomez (22) van Kuba 49.71 (persoonlike beste)
Baan 4 Candice McLeod (24) van Jamaika 49.51 (persoonlike beste)
Baan 5 Marileidy Paulino (24) van Dominikaanse Republiek 49.38 (nasionale rekord)
Baan 6 Stephenie Ann McPherson (32) van Jamaika 49.34 (persoonlike beste)
Baan 7 Shaunae Miller-Uibo (27) van die Bahamas 49.60
Baan 8 Jodie Williams (27) van Brittanje 49.97 (persoonlike beste)
Baan 9 Allyson Felix (35) van die VSA 49.89 (seisoenbeste)
– [email protected]
FOTO’s
Christine Mboma het min emosie gewys terwyl haar Olimpiese 200-medalje gister deur die president van Wêreldatletiek, lord Sebastian Coe, oorhandig is. Foto Nampa/AP
Christine Mboma (links, silwermedalje), Elaine Thompson-Herah van Jamaika (goud) en Gabrielle Thomas van die VSA (brons) gister op die podium in Tokio vir hul 200 meter-medaljeseremonie. Foto Nampa/AP
Kommentaar
Republikein
Geen kommentaar is op hierdie artikel gelaat nie