United gaps wenpunte teen Old Boys

Andrew Poolman – Swaar reënweer het Saterdagmiddag betyds opgedaag om vir Trustco United teen die verwagting in ’n tuisoorwinning teen Ceiling Centre WHS Old Boys in Krieket Namibië se 50-beurt premierliga te help verseker.Vir ’n klubspan met so ’n wêreldklas kolflys, het Old Boys ’n bra ondergemiddelde totaal van 184 almal uit opgestel nadat hulle vroeë paaltjies verloor het en op deurslaggewende oomblikke nie die kalmte aan die dag kon lê om te konsolideer nie.Dickson Vambe (2/46 in 8) het vir Craig Williams (19 van 21 balle) op sy paaltjies laat speel, voor hy twee balle later ook vir Zane Green (15 van 13 balle) agter die paaltjies deur JW Visagie laat uitvang het.JP Kotzé (2 van 11 balle) is geboul toe hy by ’n aflewering van Lo-han Louwrens (1/44 in 7) verby gestap het. Gerhard Erasmus is uitgehardloop vir 23 van 19 balle, Malan Kruger is op 19 van 22 balle uitgevang en die gevaarman Ruben Trumpelmann kon dié keer net 8 van 11 balle bydra.Die jong Gerhard Janse van Rensburg het as nommer sewe vasgeskop vir ’n goeie onoorwonne vyftigtal (53* van 58 balle, 5x4 1x6) saam met die stertkolwers wat deur Michael van Lingen (3/27 in 7.3) en Damon Coetzee (3/41 in 8) uitgehaal is.United se lopiejaagtog was op koers danksy Lo-han Louwrens (37 van 52 balle, 3x4 2x6) en Adam Bassingthwaighte (36 van 85 balle, 1x4). Spankaptein Louwrens is op die grens deur Ruben Trumpelmann uitgevang en met die eerste bal van die volgende boulbeurt moes Michael van Lingen ook terugstap toe hy met sy eerste bal deur paaltjiewagter Zane Green vir 0 uitgevang is.JW Visagie is ook vir 12 (22 balle) met ’n puik vangskoot deur Craig Williams uitgehaal met United op 91/3 ná 27 boulbeurte, maar toe die seile teen die reënweer hierna oor die kolfblad getrek moes word, was geen verdere spel moontlik nie en volgens die Duckworth Lewis metode het United danksy sy staande paaltjies met ses lopies gewen.• Vir die onoorwonne Samsung Wanderers kon geen bal geboul word in sy tuiswedstryd teen MR24/7 Welwitschia onderaan die puntelys nie. ’n Nat kol weens ’n sproeier wat die vorige aand oop gelaat was, het die veld onspeelbaar gemaak. Beide spanne kry dus twee ligapunte vir die onbesliste wedstryd.FOTO’s Andrew PoolmanGerhard Janse van Rensburg se onoorwonne vyftigtal kon WHS Old Boys uiteindelik nie red nie.Zhivago Groenewald het twee waardevolle deurbrake gemaak om eers van Lo-han Louwrens en daarna JW Visagie ontslae te raak.Spelers van Trustco United en WHS Old Boys trek die seil oor die kolfblad toe die dreigende reënwolke oor Gemsbokpark begin oopmaak.

United gaps wenpunte teen Old Boys

Kommentaar

Republikein 2025-12-15

Meld asseblief aan om kommentaar te lewer

United gaps wenpunte teen Old Boys

Kommentaar

Republikein 2025-12-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.