Unesco wil erfenisgebiede beskerm

ELLANIE SMITDie Verenigde Nasies se Onderwys-, Wetenskap- en Kultuurorganisasie (Unesco) is bekommerd oor die moontlike gevolge van olie-eksplorasie op Wêrelderfenisgebiede soos die Okavango Delta.Unesco sê versoekskrifte deur burgerlike samelewingsgroepe, wat by hul kantoor in Windhoek ontvang is, is onder sy Wêrelderfenissentrum se aandag gebring.Die Frack Free Namibia-groep het onlangs hul kommer oor olie- en gasontginning deur die Kanadese maatskappy, Reconnaissance Africa (ReconAfrica), in die Kavangostreek met Unesco opgeneem.Die groep het gesê twee Unesco-wêrelderfenisgebiede, naamlik die Okavango Delta en die Tsodila Hills, is in die prospekteergebied geleë.ReconAfrica het onder skoot gekom vir sy planne om in Namibië, naby die Botswana-grens, te boor. Unesco het gesê die sentrum volg ReconAfrica se eksplorasie-aktiwiteite.“Na dié inligting ontvang is, het Unesco se Wêrelderfenisentrum meer inligting aangevra oor die projekte en die potensiële gevolge daarvan op Wêrelderfenis-eiendomme, ooreenkomstig met paragraaf 174 van die bedryfsriglyne van die Wêrelderfeniskonvensie."’n Virtuele vergadering is ook met Namibië en Botswana gereël, het Unesco gesê.Tydens die vergadering het permanente Unesco-afgevaardigdes van Botswana en Namibië hul lande se verbintenis tot die konvensie benadruk.Hulle het verder gewaarborg om geen doelbewuste take te onderneem wat direk of indirek 'n negatiewe uitwerking op enige Wêrelderfenisgebiede kan hê nie.Unesco het gesê die Botswana-afvaardiging het aangedui die land het die lisensiegebied aangepas om die Wêrelderfenisgebied, Tsodilo Hills, uit te sluit."Die Wêrelderfeniskomitee het nog altyd 'n sterk standpunt ingeneem dat olie- en gasontginningaktiwiteite onversoenbaar is met Wêrelderfenisstatus," het dr. Mechtild Rössler, direkteur van Unesco se Wêrelderfenissentrum, gesê.Die sentrum en die verteenwoordigers van dié twee lande het ooreengekom om die situasie fyn dop te hou.Unesco het gesê hy het nog altyd besef plaaslike gemeenskappe en inheemse bevolkings is belanghebbers en versorgers van Wêrelderfenisgebiede, en dat hulle erken moet word as sleutelrolspelers in die effektiewe bestuur en volhoubare ontwikkeling van die eiendomme.“Om hul betrokkenheid by die bestuur van Wêrelderfenisgebiede te versterk en om die voordele wat die erfenis meebring billik te verdeel, is een van die strategiese doelstellings van die Wêrelderfeniskonvensie die gemeenskap.”Dus word daar gesê die regerings van Botswana en Namibië het onderneem om te verseker alle relevante belanghebbendes word geraadpleeg oor die resultate van enige omgewingsimpakstudie wat uitgevoer word, en hul doel weerspieël om die streek te bevorder tot groter ekonomiese winste deur die volhoubare benutting van natuurlike hulpbronne.Ten slotte het Unesco gesê die toestand van die bewaring van die Okavango Delta sal deur die Wêrelderfeniskomitee tydens sy volgende sitting in 2021 onder die loep geneem word.- ellanie@namibiansun.com

Unesco wil erfenisgebiede beskerm

Kommentaar

Republikein 2025-06-24

Meld asseblief aan om kommentaar te lewer

Unesco wil erfenisgebiede beskerm

Kommentaar

Republikein 2025-06-24

Meld asseblief aan om kommentaar te lewer

MELD AAN

Advertensie