Unam se toekoms onder die loep

Leerplanne moet ondersoek word

03 August 2018 | Onderwys
Henriette Lamprecht



'n Taakspan van ses mense gaan, in die lig van die knellende huidige ekonomiese omstandighede, maniere ondersoek waarop die Universiteit van Namibië (Unam) so gesond moontlik kan bly voortbestaan.

Unam se nuwe visekanselier, prof. Kenneth Matengu, het in sy intreerede gesê die universiteit moet voorberei op “administratiewe en akademiese verandering” om die volhoubaarheid van die instelling te verseker.

Hy het voorts gesê sy visie is dat Unam teen 2030 'n volhoubare internasionale kern vir hoër onderrig, navorsing en vernuwing sal wees.

Om dit te verwesenlik, gaan Matengu 'n span van ses mense aanstel om herstrukturering by die universiteit te ondersoek en om planne vir die pad vorentoe te beraam.

Die span sal die ondersoek na verwagting teen die einde van vandeesmaand voltooi.

Matengu het erken die huidige uitdagings is “baie en kompleks”.

Dié uitdagings sluit die opname van gegradueerdes in sommige dissiplines in die arbeidsmag in.

“Dit is tyd dat ons die toepaslikheid, gehalte, standaarde en die koste-effektiwiteit van akademiese programme en administratiewe strukture her­evalueer.”

Met verwysing na opleiding vir toekomstige werksgeleenthede het Matengu gesê verskeie besluite sal in die volgende maande geneem word om leerplanne en doelwitte te hersien om dit met Unam se visie en toekoms­tige ontwikkelingsdoelwitte te laat strook.

“My uiteindelike doelwit is om 'n sterker, meer samehangende universiteit te skep wat gereed is om die komplekse 21ste eeu te takel en die voordele van die vierde nywerheidsrewolusie ten volle te benut.”

Hy het beklemtoon dit is die universiteit se “morele verantwoordelikheid” om die weg te baan, die toekoms te verander en om deurbrake met die hulp van navorsing en onderrig te verseker”.

“Vra jouself af wat jy vir Unam kan doen, eerder as wat Unam vir jou kan doen.”

Matengu het voorts dosente onder skoot gekry wat laat vir klasse opdaag of dit sonder meer kanselleer.

“Dit moet stop. Party mense dink die reses is 'n tyd om te boer of om eiendomme te bestuur. Nee, dit is jou tyd vir navorsing, jou enigste vakansie is in Desember.”

In die lig hiervan het hy gesê 'n prestasiebestuurstelsel sal voortaan gebruik word om personeel se doelwitte in ooreenstemming met dié van die universiteit te bring.

“Elke maand sal elke individuele bestuurder verslag doen oor vordering met die verwesenliking van doelwitte wat gestel is.

“Dit is 'n manier van bestuur deur resultate en nie bestuur deur aktiwiteite nie. Dit is waarom ons 'n oudit van vaardighede gaan doen om te verseker elkeen is in 'n pos wat hulle die beste pas.”

Volgens Matengu gaan hy ook in die komende maande onderskeie kiesafdelings besoek om sy visie vir die universiteit te deel en gesprekke oor die toekoms te voer.

Soortgelyk

 

NSFAF sluit ooreenkoms met Bank Windhoek

1 dag gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

1 dag gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

1 dag gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

1 dag gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

1 dag gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

1 dag gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

1 dag gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

1 dag gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

1 dag gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...