Unam kan teen Falcon na bonuspunt streef

Andrew Poolman - Met die fiksheid en dissipline van FNB Universiteit van Namibië behoort dié kampioenspan môre genoeg skietgoed te hê om sy wegwedstryd teen Reho Falcon met sy gebruiklike selfvertroue te kan hanteer.Die studentespan is op 'n onafgebroke string oorwinnings en Reho Falcon sal sy hande vol hê om Johan Diergaardt se manne as voorloper van die Namibië Rugby-unie se premierliga te keer. Selfs die spelers wat Unam intussen aan die Welwitschias afgestaan het, behoort nie veel van 'n duik in hul wenkanse te maak nie. Die swarttruie kan nooit onderskat word nie, maar bevind hulle immers onderaan die puntelys en kon nog nie 'n wedstryd wen nie. Ná die eerste vyf rondtes is die puntestand soos volg: FNB Unam 25, FNB Wanderers 19, FNB Western Suburbs 18, Kudus 14, Rehoboth 12, Trustco United 11, Walvisbaai 10, Reho Falcon 3.Geeneen van Unam of Reho Falcon se spanne vir die naweek was teen druktyd bekend nie. WALVISBAAI TEEN SUBURBSDie derde geplaaste Western Suburbs kom voor 'n potensiële piesangskil te staan wanneer hulle by 'n gemotiveerde Walvisbaai-span gaan besoek aflê.Afrigter Gawan Esterhuizen se Walvisbaaiers het hul twee nasionale sewes-spelers Lloyd Jacobs en JR Jacobs teruggekry, maar ná hul besoek aan Rehoboth twee naweke gelede is die losvoorspelers Ngumee Nguaiko en James Marx steeds op die krukkelys. Die agtsteman Riaan de Klerk is ook op die o.20-span se toer in Madagaskar. Nietemin staan die lostrio van Joe Hermann, Immo Dresselhaus en Cevin Harding vir niemand terug nie.Walvisbaai: 15 Lloyd Jacobs, 14 Jeroen van Dam, 13 Cedric Haraseb, 12 Charlton Brussel, 11 JR Jacobs, 10 Dirkie von Weidts, 9 Keeane Wellmann, 8 Joe Hermann, 7 Immo Dresselhaus, 6 Cevin Harding, 5 Wolfgang Rohl, 4 Shaun White, 3 Nigel Tjingoro, 2 Chris Klassen (kapt), 1 Phillip van Niekerk.Reserwes: Herman Grobler, Martiens Potgieter, Bruce Strauss, Pierre Beukes, Simon McAlpine, Steward McAlpine, Wally Pieterse.Suburbs, wat twee naweke gelede sy tuiswedstryd teen Kudus gewen het, se span is gister nie ontvang nie. KUDUS TEEN UNITEDIn Narraville sal Kudus bykans op volle sterkte wees wanneer United môre daar aankom.Die hawedorp se span sal net sonder hul skrumskakel Ernsto Bampton (kniebesering) asook hul spelskepper-losskakel Aurelio Plato wees, wat vir diens by die Welwitschias opgeroep is.United se afrigter Jood Opperman het een speler (stut Collen Smit) aan die Namibiese wedstrydgroep afgestaan. Opperman sê: “Ons weet Kudus is nooit maklik op hul veld nie en my spelers is ook deeglik hiervan bewus. Ons het nou twee wedstryde ná mekaar verloor as gevolg van foutiewe besluitneming en kritiese onderskepdrieë teen ons. “Ons het dus baie om reg te maak, maar ek sien uit na 'n goeie wedstryd.” Trustco United: 15 Elmo van der Byl, 14 Nandivatu Karuuombe, 13 Henry Kandjou, 12 Handre Bezuidenhout, 11 Felix Humpreys, 10 Mbimbo Mbai, 9 Pieter Janse van Vuuren, 8 Panduleni Ilonga, 7 Zayne Groenewaldt, 6 Niël van Vuuren, 5 Jandré Lamprecht, 4 Winmar Rust (kapt), 3 Lappies Labuschagné, 2 Kamaa Kajau, 1 Simon Kanime.Reserwes: Dewald Coetzee, Manie Vlok, Dean Blom, Armand de Klerk, Tuna Amutenya, Heini Kapolo, Eathon Baron.Kudus: 15 Carlton Stevens, 14 Elton de Smit, 13 Donovan Hummel, 12 Michael Hummel, 11 Paulo Andrews, 10 Ulriato Lawrence, 9 Percy Nash, 8 Anthony Jevu, 7 Wardo Sitzer, 6 Irvin Damants, 5 Grandt Nash (kapt), 4 Codey Naholo, 3 Dario Benson, 1 Anthony Hoebeb.Reserwes: Zane Williams, Rayton Paulse, Bevin Botha, Craig Swartz, Richard Forbes, Charlton Dreyer, Lot Petrus. REHOBOTH TEEN WANDERERSRehoboth Rugbyklub en Wanderers het gister teen druktyd nog nie hul wedstrydgroepe bekend gemaak nie.“Ons sukkel in verskeie posisies met beserings en sal vanaand eers finale besluite kan neem. Werner Meyer het verlede Woensdag in sy verskyning vir die Barbarians teen die Welwitschias sy arm beseer. Reduane Beukes (heelagter/vleuel) het 'n enkelbesering. Daar is ook ander spelers wat uitstedig sal wees of onseker van hul beskikbaarheid is,” sê Rehoboth se bestuurslid Marschell Diergaardt. PREMIERLIGA MôRE15:15 Rehoboth 1 tn FNB Wanderers 1 by Rehoboth Hoërskool15:15 Walvisbaai 1 tn FNB Western Suburbs 1 op Walvisbaai15:15 Reho Falcon 1 tn FNB Unam 1 by Dr. Lemmer-veld, Rehoboth15:15 Kudus 1 tn Trustco United 1 in NarravilleAl dié wedstryde word om 13:30 voorafgegaan deur die botsing tussen die klubs se tweede spanne in die reserweliga.• Môre se wedstryde in die eerste liga:15:00 Sea Flower Ocean Swallows tn New Paint RAMS Keetmanshoop op Lüderitz (suide-groep)15:00 NUST tn Erongo Rugby Academy by Hage Geingob-stadion (weste-groep)17:00 Jaguars tn Etosha Leeus by Hage Geingob-stadion (noorde-groep)15:00 Otjiwarongo tn Oshakati Rebels op Otjiwarongo (noorde-groep)15:00 Eastern Bulls tn Dolphin op Gobabis (weste-groep)15:00 Unam III tn West Coast Sharks by Unam (weste-groep)

Unam kan teen Falcon na bonuspunt streef

Kommentaar

Republikein 2025-06-17

Meld asseblief aan om kommentaar te lewer

Unam kan teen Falcon na bonuspunt streef

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie