Uitspraak maak geen verskil aan Brexit, sê Boris
Die omstrede eerste minister het gesê hoewel hy die uitspraak respekteer, stem hy glad nie daarmee saam nie.
Brittanje sal die Europese Unie (EU) teen 31 Oktober verlaat, kom wat wil.
Dit was Dinsdag Boris Johnson, Britse premier, se reaksie nadat die Britse hooggeregshof beslis het sy vyf weke lange opskorting van die parlement is onwettig.
Reuters berig Johnson het ná die uitspraak uit New York gesê hoewel hy dit respekteer, hy glad nie daarmee saamstem nie.
Hy het sy woord gegee Brittanje sal die EU teen die einde van volgende maand verlaat.
Die uitspraak van 11 regters ondermyn Johnson se brose greep op mag en gee wetmakers meer ruimte om hom te verhoed om Brittanje uit die blok te verwyder, met of sonder ’n skeidingsooreenkoms.
Die uitspraak, wat beskryf word as die belangrikste grondwetlike beslissing in dekades, was ’n hewige skrobbering van Johnson se doen en late.
Brenda Hale, president van die hooggeregshof, het Dinsdag gesê die besluit om “haar majesteit aan te raai om die parlement op te skort was onwettig, want dit het die parlement se vermoë om sy grondwetlike funksies uit te voer sonder sinvolle verklaring gekniehalter”.
Volgens die uitspraak het Johnson nie goeie redes verskaf om die parlement op te skort nie.
Opposisieleiers het Johnson aangesê om onmiddellik te bedank omdat hy koningin Elizabeth, wat amptelik die parlement op sy aanbeveling opgeskort het, mislei het.
Johnson het met koningin Elizabeth gepraat ná die hofuitspraak, maar 'n regeringsamptenaar wou nie sê of die premier die koningin om verskoning gevra het nie, berig Sky News.
"Ons maak nooit besonderhede bekend oor gesprekke met die koningin nie," het hy gesê.
Reuters berig ’n bron in sy kantoor het gesê die premier sal nie bedank nie en dat Johnson met sy eerste openbare kommentaar oor die uitspraak van die mylpaal-beslissing geen berou getoon het nie.
In Londen het die speaker van die Britse laerhuis gesê die parlement sou gister om 11:30 weer hervat.
Johnson, wat geen meerderheid in die sakekamer het nie en voor die opskorting herhaaldelik onder nederlae deurgeloop het, se verweer was dat dit ’n normale skuif was terwyl die nuwe wetgewende agenda, bekend as die Queen’s Speech, voorberei is.
Kritici meen hy het die parlement die nekslag toegedien met die doel om verdere ommeswaaie te voorkom.
’n Rebelle-alliansie van opposisie-wetmakers, sommige van sy eie Konserwatiewe Party, het Johnson geforseer om die EU te vra om Brexit met drie maande uit te stel as geen mandaat teen 19 Oktober bereik is nie.
Op die vraag oor hoe hy dié spoedhobbel gaan oorkom, het Johnson die vraag geïgnoreer en herhaal dat Brittanje die EU teen einde Oktober sal verlaat.
’n Vroulike woordvoerder van die opposisie-Arbeidersparty het versuim om te antwoord oor of hulle ’n mosie van wantroue gaan indien met die doel om Johnson se regering tot ’n val te bring.
Voordat dit gedaal het na US$1,2454, het die GBP-geldeenheid kort ná die uitspraak aanvanklik tot by US$1,2479 gestyg.
Meer as drie jaar nadat die Verenigde Koninkryk met ’n meerderheid van 52% in ’n referendum gestem het om die Europese Unie te verlaat, bly die land diep verdeel en die Brexit-proses het ’n modderpoel van verwarring geword, met opsies wat strek van ’n onstuimige geen ooreenkoms tot om die uitvoer daarvan heeltemal te laat vaar.
- Netwerk24
Dit was Dinsdag Boris Johnson, Britse premier, se reaksie nadat die Britse hooggeregshof beslis het sy vyf weke lange opskorting van die parlement is onwettig.
Reuters berig Johnson het ná die uitspraak uit New York gesê hoewel hy dit respekteer, hy glad nie daarmee saamstem nie.
Hy het sy woord gegee Brittanje sal die EU teen die einde van volgende maand verlaat.
Die uitspraak van 11 regters ondermyn Johnson se brose greep op mag en gee wetmakers meer ruimte om hom te verhoed om Brittanje uit die blok te verwyder, met of sonder ’n skeidingsooreenkoms.
Die uitspraak, wat beskryf word as die belangrikste grondwetlike beslissing in dekades, was ’n hewige skrobbering van Johnson se doen en late.
Brenda Hale, president van die hooggeregshof, het Dinsdag gesê die besluit om “haar majesteit aan te raai om die parlement op te skort was onwettig, want dit het die parlement se vermoë om sy grondwetlike funksies uit te voer sonder sinvolle verklaring gekniehalter”.
Volgens die uitspraak het Johnson nie goeie redes verskaf om die parlement op te skort nie.
Opposisieleiers het Johnson aangesê om onmiddellik te bedank omdat hy koningin Elizabeth, wat amptelik die parlement op sy aanbeveling opgeskort het, mislei het.
Johnson het met koningin Elizabeth gepraat ná die hofuitspraak, maar 'n regeringsamptenaar wou nie sê of die premier die koningin om verskoning gevra het nie, berig Sky News.
"Ons maak nooit besonderhede bekend oor gesprekke met die koningin nie," het hy gesê.
Reuters berig ’n bron in sy kantoor het gesê die premier sal nie bedank nie en dat Johnson met sy eerste openbare kommentaar oor die uitspraak van die mylpaal-beslissing geen berou getoon het nie.
In Londen het die speaker van die Britse laerhuis gesê die parlement sou gister om 11:30 weer hervat.
Johnson, wat geen meerderheid in die sakekamer het nie en voor die opskorting herhaaldelik onder nederlae deurgeloop het, se verweer was dat dit ’n normale skuif was terwyl die nuwe wetgewende agenda, bekend as die Queen’s Speech, voorberei is.
Kritici meen hy het die parlement die nekslag toegedien met die doel om verdere ommeswaaie te voorkom.
’n Rebelle-alliansie van opposisie-wetmakers, sommige van sy eie Konserwatiewe Party, het Johnson geforseer om die EU te vra om Brexit met drie maande uit te stel as geen mandaat teen 19 Oktober bereik is nie.
Op die vraag oor hoe hy dié spoedhobbel gaan oorkom, het Johnson die vraag geïgnoreer en herhaal dat Brittanje die EU teen einde Oktober sal verlaat.
’n Vroulike woordvoerder van die opposisie-Arbeidersparty het versuim om te antwoord oor of hulle ’n mosie van wantroue gaan indien met die doel om Johnson se regering tot ’n val te bring.
Voordat dit gedaal het na US$1,2454, het die GBP-geldeenheid kort ná die uitspraak aanvanklik tot by US$1,2479 gestyg.
Meer as drie jaar nadat die Verenigde Koninkryk met ’n meerderheid van 52% in ’n referendum gestem het om die Europese Unie te verlaat, bly die land diep verdeel en die Brexit-proses het ’n modderpoel van verwarring geword, met opsies wat strek van ’n onstuimige geen ooreenkoms tot om die uitvoer daarvan heeltemal te laat vaar.
- Netwerk24
Kommentaar
Republikein
Geen kommentaar is op hierdie artikel gelaat nie