Uitreikprogram skop in Suide af
Danksy die Kankervereniging van Namibië (CAN) se uitreikprogram sal meer as 'n duisend Namibiërs vanjaar gratis vir kanker getoets kan word.
Dít te danke aan die Slice of Life, Raffle of Hope-projek, wat ook deur Gondwana Collection ondersteun is.
Afgesien van die bevestigde 1 027 Namibiërs wat gratis gehelp kan word, sal van die geld wat deur verlede jaar se Bank Windhoek Kankerappelprojek ingesamel is ook aangewend word om 'n verdere 2 000 Namibiërs vanjaar vir kanker te toets.
Die Nasionale Kankeruitreikprogram, wat in Augustus 2018 van stapel gestuur is, en CAN se mediese sentrums in Windhoek, Swakopmund en Rehoboth het sowat 45 000 Namibiërs sedert Januarie 2016 getoets.
“Ons was bevoorreg om die beste pryse vir verbruiksgoedere en laboratoriumdienste te kon beding, wat beteken ons kan Namibiërs vir so min as N$100 per persoon op CAN se onkoste toets,” sê mnr. Rolf Hansen, die vereniging se uitvoerende hoof.
Indien CAN nie in staat is om volle komplementêre dienste te lewer nie, word 'n fooi van N$70 gehef, terwyl die res van die koste deur die vereniging gedra word.
Uitreikdienste sluit in gemeenskapsonderrig, servikale toetse, borsondersoeke en toetse vir prostaatkanker.
Kontak sr. Aina Nghitongo en sr. Martha Angolo by 081 127 7740 vir meer inligting.
Dít te danke aan die Slice of Life, Raffle of Hope-projek, wat ook deur Gondwana Collection ondersteun is.
Afgesien van die bevestigde 1 027 Namibiërs wat gratis gehelp kan word, sal van die geld wat deur verlede jaar se Bank Windhoek Kankerappelprojek ingesamel is ook aangewend word om 'n verdere 2 000 Namibiërs vanjaar vir kanker te toets.
Die Nasionale Kankeruitreikprogram, wat in Augustus 2018 van stapel gestuur is, en CAN se mediese sentrums in Windhoek, Swakopmund en Rehoboth het sowat 45 000 Namibiërs sedert Januarie 2016 getoets.
“Ons was bevoorreg om die beste pryse vir verbruiksgoedere en laboratoriumdienste te kon beding, wat beteken ons kan Namibiërs vir so min as N$100 per persoon op CAN se onkoste toets,” sê mnr. Rolf Hansen, die vereniging se uitvoerende hoof.
Indien CAN nie in staat is om volle komplementêre dienste te lewer nie, word 'n fooi van N$70 gehef, terwyl die res van die koste deur die vereniging gedra word.
Uitreikdienste sluit in gemeenskapsonderrig, servikale toetse, borsondersoeke en toetse vir prostaatkanker.
Kontak sr. Aina Nghitongo en sr. Martha Angolo by 081 127 7740 vir meer inligting.
Kommentaar
Republikein
Geen kommentaar is op hierdie artikel gelaat nie