Uitgelekte vraestel glo op WhatsApp versprei

Tuyeimo Haidula op OshakatiDie ministerie van onderwys, kuns en kultuur ondersoek ’n voorval by die Elite Tutorial College waar twee leerlinge in hegtenis geneem is nadat hulle glo ’n uitgelekte eksamenvraestel in die sosiale media versprei het.Die leerlinge word daarvan beskuldig dat hulle ’n eksamenvraestel vir Engels gewone vlak op ’n WhatsApp-groep versprei het. Verskeie graad 12-leerlinge is na bewering deel van dié groep.Hulle het verlede Vrydag in die landdroshof op Oshakati verskyn en bly in aanhouding.Die Namibiese polisie se koördineerder van misdaadondersoeke in die Oshanastreek, adj.komm. Hilja Haipumbu, het die voorval bevestig en sê die leerlinge het kort nadat die vraestel en antwoorde op die groep gestuur is, hul onderwysers daarvan in kennis gestel.GLO NOG DRIE VERDAGTESVolgens Haipumbu sal die ondersoek belemmer word indien die leerlinge se name openbaar gemaak word.“Nog drie verdagtes met betrekking tot die oortreding moet nog in hegtenis geneem word.”Die direkteur van onderwys in dié streek, me. Hileni Amukana, het gesê die ministerie is bewus van die saak en laat dit aan die polisie oor om die voorval verder te ondersoek.Amukana het gesê die nasionale assesseringspan sal eers ná die voltooiing van die ondersoek ingelig word oor watter stappe gedoen moet word.“Eers nadat die leerlinge klaar geskryf het, het die onderwysers besef dit is die vraestel wat op die groep gedeel is. Ons het die vraestel gevat en ’n kopie van die uitgelekte vraestel uitgedruk en ons wag vir die polisie om die verifikasieproses te voltooi,” het sy gesê en bygevoeg hulle wag nog op die polisie se verslag.NIE VERANTWOORDBAAR NIEDie besturende direkteur van Elite Tutorial College, mnr. Apros Tendaupenyu, sê die instelling kan nie verantwoordelik gehou word vir die uitgelekte vraestel nie.“Die bestuur van Elite Tutorial Collgede sal nie so laag daal deur nasionale eksamenvraestelle uit te lek nie.” Volgens hom weet die skool nie eens wie die leerlinge is nie.Tendaupenyu het aangedui, indien enigiets, die skool altyd sal poog om die integriteit van nasionale eksamens te handhaaf deur dit volgens die direktoraat van nasionale eksamens en assessering se beleide aan te bied en te bestuur.Hy het beklemtoon die skool het geen jurisdiksie om kommentaar te lewer oor wat met die leerlinge gaan gebeur nie.- republikein@republikein.com.na

Uitgelekte vraestel glo op WhatsApp versprei

Kommentaar

Republikein 2026-06-18

Meld asseblief aan om kommentaar te lewer

Uitgelekte vraestel glo op WhatsApp versprei

Kommentaar

Republikein 2026-06-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.