Uber wil gebruikers veilig laat voel

Uber het Dinsdag ’n nuwe funksie bekendgestel waardeur gebruikers wat onveilig voel of in ’n noodsituasie is, deur die app ’n toegewyde noodspan kan kontak.Die sogenaamde Insident Response Team (IRT) is 24 uur per dag beskikbaar om veiligheidskwessies te hanteer.Sodra ’n versoek ontvang word, skakel ’n lid van die IRT-span die betrokke persoon binne ’n paar minute om uit te vind wat gebeur het. Indien dit ’n mediese noodgeval is of as daar ’n misdaad gepleeg is, kan die IRT-span help om die nooddienste na die toneel te stuur. “Ons is altyd op soek na nuwe maniere om kommunikasie met ons gemeenskap te verbeter,” sê Alon Lits, hoofbestuurder van Uber in Afrika suid van die Sahara. Honderde duisende passasiers wat die Uber-app in Suid-Afrika gebruik, het gevra om in geval van ’n krisis hulp te kry.Die IRT-lyn is nie bedoel om bestaande noodnommers te vervang nie. “Hoewel dit deel is van Uber se belofte om passasiers se veiligheid te verseker, raai ons passasiers steeds ten sterkste aan om eers die nasionale noodlyn 10111 te bel in geval van nood,” sê Lits.Een van die IRT-lyn se voordele is egter dat die Uber “verskeie” nooddienste op bystand het wat hulle in ’n kort tydjie na ’n toneel kan stuur.Uber het ook bykomende veiligheidswagte in diens geneem by sleutelpunte soos Gautrein-stasies waar daar baie passasiers op Uber-motors wag.’n Span voormalige polisielede is ook beskikbaar om namens Uber te help om enige saak in oorleg met die polisie te ondersoek.Indien ’n passasier ’n veiligheidsverwante voorval in ’n Uber-motor ervaar, kan hy die IRT-span as volg kontak: Gaan na die Uber-opsielys op die app en kliek ‘Help’; Kliek op ‘Trip and fare review’; Kies die betrokke rit; Kies ‘I had a safety-related issue’; Beskryf kortliks wat gebeur het en verskaf jou kontaknommer.’n Verteenwoordiger van Uber sal jou binne minute kontak. – Netwerk24

Uber wil gebruikers veilig laat voel

Kommentaar

Republikein 2025-12-17

Meld asseblief aan om kommentaar te lewer

Uber wil gebruikers veilig laat voel

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.