Tydelike onderwysers Desember laas betaal

Geen geld vir kos, vervoer

21 February 2018 | Onderwys
Henriette Lamprecht – Tydelike onderwysers by twee laerskole in Windhoek sê hulle het sedert Desember verlede jaar nog nie weer ’n salaris ontvang nie.

Republikein is bewus van 25 onderwysers wat geraak word, maar ’n bron in die ministerie van onderwys, kuns en kultuur beweer dit kan veel meer en ook landswyd wees.

By een laerskool is van dié onderwysers reeds vir ’n geruime tyd deel van die ministerie se indiensopleidingsprogram (Inset) by die Universiteit van Namibië (Unam).

Volgens ’n bron is ’n aanvanklike belofte gemaak dat betalings op 9 Februarie gemaak sou word, maar dit is weer na 20 Februarie verskuif.

Dié dag het ook gekom en gegaan met ’n nuwe betaaldatum wat nou op 9 Maart staan.

“Hierdie onderwysers staan elke dag voor ’n klas van 40 tot 45 kinders, maar het nie geld vir kos in hul huise nie. Debietorders by banke kan nie afgaan nie en skoolgelde kan nie betaal word nie,” sê die bron.

Tydelike onderwysers word volgens die bron op ’n jaar tot jaar-basis aangestel.

“Verlede jaar is gesê ’n betrokke tydelike onderwyser hoef nie weer aansoek te doen nie, omdat dié persoon nou permanent en met mediese voordele aangestel is.”

Volgens die bron het van dié onderwysers grade en tot 15 jaar se ervaring.

“Hulle het onderwyservaring, maar moet nou bedel vir geld.”

Die bron sê voorts die tydelike onderwysers is aan die begin van die jaar gewaarsku hulle gaan nie “geld voor later in die jaar” kry nie, en is ook glo beveel om die stilswye hieroor te bewaar.

“Die opdrag was: ‘Julle moet bly wees julle het poste. Die prys wat julle hiervoor moet betaal, is dat julle moet wag.’”

’n Ander bron het bevestig by nog ’n laerskool in die hoofstad word tot 18 tydelike onderwysers geraak.

“Dié mense het beweeg van ’n volle salaris tot niks geld nie. Van hulle het nie eers geld vir ’n taxi nie en daag nie eers by die skool op nie, want hoe moet hulle hier kom?” het die bron gevra.

Navrae by die ministerie se afdelings vir hulpbronnebestuur en finansies het betalingsdatums van 9 Februarie tot 9 Maart gegee.

“Hoe moet ’n mens dit glo? Die land is onbewus van die omstandighede waaronder onderwysers in die land moet klasgee. Dis ’n baie groter probleem as wat ons besef en kom daarop neer dat die regering nie geld het nie,” het die bron gesê.

Intussen het Khomas se streekdirekteur vir onderwys gesê alle onderwysers wat hul korrekte bankbesonderhede via hul onderskeie skoolhoofde tot en met die sluit van skole in Desember 2017 gestuur het, is op 29 Desember verlede jaar en 24 Januarie vanjaar onderskeidelik betaal.

Volgens mnr. Gerard Vries sluit tydelike onderwysers dié in wat op siek- of kraamverlof is, sowel as onderwysers wat deur middel van ’n korttermynkontrak aangestel is.

Vries sê voorts tydelike onderwysers wat nie in Februarie betaal is nie, was verplig om al die nodige dokumente voor of op 5 Februarie by die afdelings vir menslike hulpbronne en finansies in te dien.

Volgens hom hou die wanbetaling verband met die laat of nie-indiening of indiening van belangrike dokumente vir die verwerking van betalings voor of op 5 Februarie 2018 wat op 9 Maart 2018 betaal moet word vir die aanvullende betalingstydperk op 20 Maart 2018 vir die normale betaling van personeel.

“Die wanbetaling hou nie verband met die vrystelling van die begroting vir die 2018-’19 finansiële jaar nie. Bestaande betalings is deel van die 2017-’18 finansiële jaar,” het Vries gesê.

Vries wou hom nie uitlaat oor beweerde wanbetaling van tydelike onderwysers in ander streke van die land nie.

Soortgelyk

 

ACC soek vir Rooies

9 ure gelede | Misdaad

Denver Kisting - Die Teenkorrupsiekommissie (ACC) het Maandagmiddag ’n verklaring uitgereik waarin hy die publiek vra om te help om die oudlanddros, mnr. Rooies Mostert,...

Ma, seun van Reho in hof ná tref-en-trap

14 ure gelede | Howe

Denver Kisting – ’n 45-jarige ma van Rehoboth verskyn na verwagting vandag saam met haar tienerseun in die landdroshof op dié dorp.Dít kom nadat die...

Hondelewe vir stropers

1 dag gelede | Ministeries

Francoise Steynberg op Waterberg - Pas ná die ministerie van die omgewing en toerisme met die opleiding van hul honde-eenheid teen stropery begin het, het...

NBC verdrink in skuld

1 dag gelede | Tegnologie

Augetto GraigDie voortslepende arbeidsgeskil by die nasionale uitsaaier (NBC) besorg mnr. Stanley Simataa, minister van inligting en kommunikasietegnologie, hoofbrekens, het hy gesê. “Die NBC verdrink...

PDM beraadslag oor grond

1 dag gelede | Politiek

Augetto Graig - Die nasionale uitvoerende komitee van die amptelike opposisieparty, die Popular Democratic Movement (PDM), het Vrydagaand in voorbereiding op die komende nasionale grondkonferensie...

Weer vir 14 September 2018

1 dag gelede | Weer

BINNELAND: Meestal sonnig en baie warm. KUS: Gedeeltelik bewolk en koud tot matig met miskolle in die oggend op plekke. GETYE BY...

Noodvoedselbank vir hospitale sonder kos

1 dag gelede | Gesondheid

Henriette Lamprecht – ‘n Noodvoedselbank is in die Erongostreek geskep as ‘n tydelike oplossing vir die voedseltekorte wat tans in alle staatshospitale in die streek...

Hoop vir die wilde perde

1 dag gelede | Omgewing

Die wilde perde by Garub in die Suide is ’n vulletjie ryker. Volgens ’n verklaring van die Namibië Wildeperdestigting is die vulletjie se trotse ouers...

Namibiërs trotseer Bolivia se pieke

1 dag gelede | Mense

Elvira Hattingh - Twee kleinneefs, mnre. Gerhard Jacobs en Harmen Potgieter, het onlangs uit Bolivia teruggekeer nadat hulle van die eerste Namibiërs geword het om...