Tyd om rigting te kry

Kristien Kruger – Al Amerika se burger-en-tjips het hier op my heupe kom lê. Met ’n troue om die draai, is ek bevrees hierdie bruid se rok gaan nie om haar kom nie.Ek was nog altyd tevrede met my liggaam deur sy seisoene van kleiner, slanker of groter, sagter en dikker, maar bevind my nou vir die eerste keer in ’n situasie waar ek binne drie maande al die ekstras moet verloor.Moet my nie verkeerd kry nie: ek het die afgelope maande in die VSA ontsettend geniet. Ek het doelbewus minder geworrie oor die ekstra kilogrampies en sorgeloos myself geniet, maar die lekker is vir nou eers verby en dis tyd om rigting te kry.Drie maande lyk na ’n lang tyd, maar waar begin mens? Watter oefening? Watter dieet? Watter veranderinge? Ek het gedink om met julle te deel wat ek tevore gedoen het en vir my gewerk het en wat ek nou van plan is om uit te toets.Baie mense sien seker daarna op om aanpassings te maak, maar ek sien eintlik nogal uit. Dis ’n uitdaging en ek is opgewonde om weer hard te oefen. Oor die diëtery is ek minder opgewonde.Ek weet vroue sukkel dikwels met hul gewig en dit word ’n negatiewe aspek in mens se alledaagse lewe wat soveel goed beïnvloed, waarvan die ergste seker ’n mens se selfbeeld is. So, indien jy gesoek het na ’n bietjie motivering – hier is dit nou.Ek ondersteun nie diëte wat mens te veel “restrain” nie. Ek glo in ’n gesonde leefstyl, diverse opsies vir maaltye en lekker harde oefening. Wanneer mens egter wil gewig verloor, is dit belangrik dat jy meer kalorieë verbrand as wat jy inneem en dis waar “calorie counting” goed werk. ’n Mens kan aanlyn uitwerk hoeveel kalorieë jou liggaam benodig. Dit neem in ag jou ouderdom, gewig, lengte en hoe gereeld jy oefen. Indien jy jou huidige gewig wil behou, neem jy dié aantal kalorieë in, of as jy gewig wil verloor, moet jy minder inneem. Hoeveel minder? Dit hang af van jou tyd-mikpunt. Indien jy vinniger wil verloor, sal jy heelwat minder moet inneem.Jou oefening dra natuurlik by. Hoe meer kalorieë jy verbrand, hoe meer kan jy inneem. Jy werk uit hoeveel jy die dag geëet het en dan hoeveel jy verbrand het. So kry jy jou somtotaal van kalorieë vir die dag.Die werklikheid is natuurlik nie altyd so eenvoudig nie. “Calorie counting” kan ’n slegte obsessie raak wat jou laat skuldig voel oor alles wat jy eet – en wie wil nou so lewe?My eerste stap is gewoonlik ’n besluit om nie uit te eet nie en slegs tuis kos te maak. Dit verg bietjie meer moeite, veral met middagetes wat ek gewoonlik op kantoor is. Dis gerieflik om sommer vinnig ’n broodjie of ’n garage pie te gryp. Ek beplan dus vooruit en maak saans vooraf vir my middagete om saam te neem. Maak daai bietjie ekstra aandete en pak die oorskiet in werk toe.Ek oefen natuurlik meer, maar het besef ek bereik veel meer as ek in ’n groep oefen met ’n instrukteur wat my druk (shout out vir JD by Crossfit Windhoek). Die atmosfeer is lekkerder en die ondersteuning help my om elke oefening my alles te gee. Wanneer ek op my eie moet oefen, maak ek gedurig verskonings, of ek doen net die minimum. ’n Groep verg ook meer toewyding en ek is minder geneig om dit mis te loop. Ek maak dit ook vir myself lekker – oefening hoef nie ’n straf te wees nie. Ek en my verloofde geniet dit om te gaan stap en gaan gewoonlik naweke en geniet die natuur en mooi uitsigte in Windhoek. Ons nooi soms ’n vriend saam, pak ’n fles koffie in of vat ons hond saam.As ek drasties ’n bietjie gewig wil verloor, sny ek stysel en suiker uit. Dis vir my beslis ’n uitdaging, maar dit maak werklik ’n groot verskil. Ek belowe mens raak gewoond aan die bitter koffie.Ek is oop om nuwe dinge uit te toets en is tans in week 2 van die 28-daedieet. Dit gaan nie sleg nie en ek voel dis heel doenbaar. Dit sluit ’n groot verskeidenheid kosse in. Die porsies is min en word beperk tot drie etes ’n dag, maar ek geniet dit, want ek hoef nie elke dag te wonder wat ek gaan eet nie. Daar’s ’n plan vir elke ete ’n dag en dis maklik om te volg.Ek is geen spesialis nie en wil mense aanmoedig om dinge uit te toets en te kyk wat werk vir jou liggaam en leefstyl – elkeen is anders. Hou altyd jou gesondheid in gedagte en moet niks doen wat jou te veel beperk of iets wat duidelik ongesond en onnatuurlik is nie.

Tyd om rigting te kry

Kommentaar

Republikein 2025-09-10

Meld asseblief aan om kommentaar te lewer

Tyd om rigting te kry

Kommentaar

Republikein 2025-09-10

Meld asseblief aan om kommentaar te lewer

MELD AAN

Advertensie