Tweede skietvoorval in Bwabwata betreur

Francoise Steynberg - 'n Dringende vergadering tussen die ministerie van die omgewing en toerisme en sekuriteitsmagte is reeds verlede Maandag in die Bwabwata Nasionale Park gehou om te voorkom dat nóg 'n skietvoorval plaasvind.Dít volg ná 'n tweede skietvoorval in die park binne 'n jaar toe lede van die teenstropingseenheid op 26 Februarie op twee Duitse toeriste, mnre. Rüdiger en Oliver von Knebel Doeberitz se gehuurdevoertuig geskiet het. Byna 'n jaar gelede, op 15 Maart 2017, was Alexia Keil, toe drie jaar oud, die slagoffer van 'n traumatiese voorval in die park toe sy in die kop geskiet is. Die koeëlpunt moes later tydens 'n operasie in Windhoek se MediClinic uit haar kop verwyder word. Haar pa, mnr. Harald Keil, sy vrou Teresa, en hul twee dogtertjies het die nagmerriedag in Bwabwata meegemaak.“Dit is ongelukkig dat hierdie voorval gebeur het en ons wil nie nog voorvalle van hierdie aard in ons nasionale parke of enige plek in ons land sien en ervaar nie,” het die ministerie se woordvoerder, mnr. Romeo Muyunda, gister in 'n mediaverklaring gesê.Hy sê opvolgkonsultasies sal môre tussen belanghebbendes in wildbeskerming en wetstoepassers plaasvind. 'n Volgende vergadering sal op 16 Maart deur die direkteur van wildlewe en nasionale parke, mnr. Colgar Sikopo, gelei word vir die onmiddellike implementering van maatreëls wat ingestel moet word om te voorkom dat soortgelyke voorvalle plaasvind. “Ons nasionale parke en veral Bwabwata Nasionale Park bly baie veilig vir toeriste om te besoek en ons besoekers moet die groot hoeveelheid skaars diere en voëlspesies daar geniet,” het Muyunda gesê. “Wildmisdaad kom al hoe meer dikwels voor en het 'n punt van hernude geweld bereik. Goed georganiseerde bendes betree kwesbare gebiede en misdaadsindikate organiseer die smokkel van renosterhorings en olifanttande deur ingewikkelde netwerke na buitelandse markte,” maan Muyunda. Hy sê om die huidige sindikate van wildmisdaad onder beheer te bring en wildstropery te stop, moes die regering deur die ministerie die teenwoordigheid van die teenstropingseenheid in sekere dele van nasionale parke verhoog. Dit sluit lede van die Namibiese polisie en weermag in wat saam met die beamptes van die ministerie in Bwabwata werk. OndersoekMuyunda sê die ministerie het dadelik ná die onlangse skietvoorval 'n ondersoek van stapel gestuur. “Die twee toeriste het in 'n dubbelkajuitbakkie sonder die nodige toegangspermitte in die Buffalo-gebied van Bwabwata gery. Hulle is deur die teenstropingseenheid genader wat hulle gevra het om te stop om hul voertuig te deursoek.”Volgens die woordvoerder was die toeriste op 'n pad wat slegs vir wildbestuurdoeleindes gebruik word en nie vir toeriste se gebruik bedoel is nie.“Die toeriste het nie gestop nie, want hulle het gedink die mense wil hulle beroof. Die twee beamptes was in hul amptelike T-hemde en uniformbroeke geklee, sê Muyunda.Hy sê die toeriste het aangery en waarskuwingskote is in die lug geskiet, maar die toeriste het steeds aangery.“Toe die voertuig nie stop nie, is een skoot na die bakkie se kappie geskiet wat die kappie se agtervenster getref het. Skade is aan die agtervenster aangerig en daar is 'n duik aan die buitekant van die voertuig se dak.”Niemand is tydens die voorval beseer nie.

Tweede skietvoorval in Bwabwata betreur

Kommentaar

Republikein 2026-08-03

Meld asseblief aan om kommentaar te lewer

Tweede skietvoorval in Bwabwata betreur

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.