Tweede dag van minustemperature

Elvira Hattingh – Die Namibiese weerkantoor verwag vandag vir die tweede agtereenvolgende dag temperature onder vriespunt in die suidelike, sentrale en oostelike dele van die land.Tog sal dit na verwagting van môre af weer “effens warmer” raak, het mnr. Odillo Kgobetsi, hoofweervoorspeller van die Namibiese weerdiens, gister aan Republikein gesê. Weerkundiges waarsku ook reeds sedert Sondagaand dat swart ryp oornag in onder meer die Suide kan voorkom. Die kanse hiervoor was gisteraand, en vanaand ook, die grootste omdat windstilte snags heers. Dít volg nadat die eerste sterk kouefront vir dié winter die Afrikavasteland die afgelope Sondag getref het, wat volgens Suid-Afrikaanse weervoorspellers reën op plekke en koue kan bring, maar ook vir sneeu in Sutherland, Lesotho en oor die Drakensberge kan sorg.Wat hierdie kouefront merkwaardig maak, is dat sy aankoms Suider-Afrika se vooruitsigte op winterreën aansienlik verander het in vergelyking met verlede jaar. Toe was beide Julie en Augustus volgens die nieregeringsorganisasie LandWater baie swak maande. Die kouefront kon daarin slaag om die dominansie van hoogdrukstelsels soos die Suid-Atlantiese-, Kalahari- en Suid-Indiese-hoogdrukstelsel oor Suider-Afrika te verswak, sê die organisasie wat satellietfoto's wetenskaplik ontleed en interpreteer.Dit gaan gepaard met aanduidings dat El Niño-toestande binne die volgende paar maande kan neutraliseer.VRIESPUNT BEREIKVolgens voorspellings was minimumtemperature vanoggend 0 °C in Windhoek, op Mariental, Maltahöhe, Karasburg, Gobabis, Buitepos, Aus, Aroab en Aranos, terwyl Grootfontein, Keetmanshoop, Omaruru en Tsumeb se minimum 1 °C was.Die kus was vanoggend skynbaar die warmste, met minimumtemperature wat onderskeidelik 12 °C en 16 °C op Swakopmund en Walvisbaai was.Maksimumtemperature sal na verwagting vandag nie 20°C in Windhoek verbysteek nie, terwyl die kus ‘n matiger 25 °C kan verwag. Aus en Keetmanshoop se maksimumtemperature sal onderskeidelik 15 °C en 18 °C wees. Die Namibiese binneland sal vandag koud bly, het Kgobetsi gister aan Republikein gesê. Hy sê van môre af kan dit weer “effens warmer” raak. “Teen Woensdag sal dit sonnig oor die meeste dele van Namibië wees. Dit sal winderig in die noordelike streke wees,” het hy gister gesê.REËNTemperature het gisteroggend reeds in die minusse in geduik, terwyl dit na wat verneem word op Lüderitz, Aus, Oranjemund, Rosh Pinah en Aussenkehr gereën het. “Oranjemund is sopnat, ja,” het Annelize Louw Lotter laat weet, terwyl Melissa Kring gesê het Sossusvlei het ook ’n bietjie reën ontvang.Temperature in Windhoek het gister om 08:00, volgens die Suider-Afrikaanse Wetenskaplike Dienssentrum vir Klimaatsverandering en Aanpassende Grondbestuur (Sasscal) se aanlyn databasis, so laag as -3,1 °C gedaal. ’n Inwoner van die Omeya-gholflandgoed het laat weet het hul termometer op -3 °C gestaan, terwyl inwoners op Elisenheim -2 °C gemeet het. Marike van Wyk het laat weet in Eros het die kwik gisteroggend ook op -2 °C gestaan, terwyl dit 0 °C in Klein Windhoek was.Sasscal se databasis het gewys dit was gister om 08:00 op Tsumis, suid van Rehoboth, - 0,5 °C.

Tweede dag van minustemperature

Kommentaar

Republikein 2026-06-26

Meld asseblief aan om kommentaar te lewer

Tweede dag van minustemperature

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.