Twee verdrinkings aangemeld

Ses onnatuurlike sterftes, insluitend twee verdrinkings, is Saterdag aangemeld. By Onafhanklikheidstrand op Walvisbaai het die lyk van 'n 12-jarige seun, wat as Clive Hefita geïdentifiseer is, tussen 12:00 en 15:00 uitgespoel. Hy het verdrink nadat hy glo saam met vriende gaan swem het.• 'n Groep kinders wat diere opgepas het, het afgekom op die lewelose liggaam van 'n man wat as mnr. Kleopas Amagulu (38) geïdentifiseer is. Die lyk het in die rivierkanaal by die nedersetting Omundjalala in die Elim-kiesafdeling gedryf. Vermoedelik kon die oorledene verdrink het terwyl hy besig was om vis te vang, aangesien visnette op die toneel gevind is.• Omstreeks 06:00 is mnr. Isaak Rooi (49) dood op sy bed aangetref. Hy het in die Soetdoringlaagte-gebied van Stampriet gewoon. Die oorledene was glo siek en 'n nadoodse ondersoek sal uitgevoer word om die oorsaak van sy dood te bepaal. • Die 48-jarige mnr. Henock Amunyela is omstreeks 13:00 by die Onandjokwa-hospitaal op Onayena dood verklaar nadat hy glo in sy voertuig inmekaargesak het. • By die nedersetting Ikango in Onayena (Oshikotostreek) is me. Katrina Johannes (55) omstreeks 22:30 dood op haar bed aangetref. Sy was glo siek en 'n nadoodse ondersoek sal die oorsaak van haar dood bepaal. • Omstreeks 05:00 by die nedersetting Okangwati (Kunenestreek) is die ontbinde lyk van 'n man wat as mnr. Rivanganavi Tjiuma (37) uitgeken is, ontdek deur bure wat op die geraas van blaffende en bakleiende honde gereageer het. 'n Nadoodse ondersoek sal gedoen word om die oorsaak van sy dood te bepaal. Al die oorledenes se naasbestaandes is in kennis gestel en die sterftes word verder deur die polisie ondersoek.

Twee verdrinkings aangemeld

Kommentaar

Republikein 2025-05-07

Meld asseblief aan om kommentaar te lewer

Twee verdrinkings aangemeld

Kommentaar

Republikein 2025-05-07

Meld asseblief aan om kommentaar te lewer

MELD AAN

Advertensie