Twee sterftes, 52 nuwe gevalle
Die Covid-19-verwante sterftes van twee mans van onderskeidelik 60 jaar (Gobabis) en 71 jaar (Opuwo) bring die getal vir die land op 149 te staan. Beide het onderliggende mediese toestande gehad. Uit die 52 nuwe gevalle is 20 mans en 32 vroue. Die ouderdomme wissel van 10 maande tot 70 jaar.
Uit die 52 nuwe gevalle is 25 in Lüderitz, 8 in Keetmanshoop, 7 in Windhoek, 4 in Gobabis, 3 in Rundu, 2 elk in onderskeidelik Swakopmund en Rehoboth en 1 in Otjiwarongo aangeteken. Uit die 25 gevalle in Lüderitz is sewe leerlinge en drie personeellede van die primêre skool Diaz, terwyl nege by vismaatskappye is.
Nog 33 mense het herstel wat die totaal op 13 388 te staan bring. Dit sluit 15 in //Kharas, 13 in Khomas, vier in Omusati en een in Omahake in.
Die aktiewe gevalle staan op 667 waarvan vyf baie ernstig of kritiek is. Dit sluit drie baie ernstige en een kritieke geval in Khomas en een kritieke geval in Erongo in.
Tot op hede is 153 097 weefselmonsters getoets, 3 230 kontakte word gemonitor en 430 mense is in kwarantyn.
Uit die 52 nuwe gevalle is 25 in Lüderitz, 8 in Keetmanshoop, 7 in Windhoek, 4 in Gobabis, 3 in Rundu, 2 elk in onderskeidelik Swakopmund en Rehoboth en 1 in Otjiwarongo aangeteken. Uit die 25 gevalle in Lüderitz is sewe leerlinge en drie personeellede van die primêre skool Diaz, terwyl nege by vismaatskappye is.
Nog 33 mense het herstel wat die totaal op 13 388 te staan bring. Dit sluit 15 in //Kharas, 13 in Khomas, vier in Omusati en een in Omahake in.
Die aktiewe gevalle staan op 667 waarvan vyf baie ernstig of kritiek is. Dit sluit drie baie ernstige en een kritieke geval in Khomas en een kritieke geval in Erongo in.
Tot op hede is 153 097 weefselmonsters getoets, 3 230 kontakte word gemonitor en 430 mense is in kwarantyn.
Kommentaar
Republikein
Geen kommentaar is op hierdie artikel gelaat nie