Twee sterftes, 451 nuwe gevalle

Die Covid-sterftes styg met twee tot 3 726. Gister is 451 nuwe gevalle aangemeld, 'n positiewe koers van 22,1%. Die meeste gevalle - 132 - is in die Khomasstreek, terwyl Erongo 70 gevalle aangeteken het. Die nuwe gevalle sluit 51 leerlinge, 10 gesondheidswerkers, ses onderwysers en vier studente in.
Die aktiewe gevalle staan tans op 10 954 waarvan 402 in die hospitaal en 34 in die ICU is. Tot op hede het 410 159 mense 'n eerste dosis entstof gekry en wat kinders in die ouderdomsgroep 12 tot 17 jaar insluit. Die aantal mense wat ten volle ingeënt is en bogenoemde ouderdomsgroep insluit, staan op 347 318. Die herstelkoers staan op 91,6%.