Twee sterf in hoëspoed-ongeluk in Klein-Windhoek
Die liggame van twee mans moes Saterdagnag uit die wrak van 'n verfrommende voertuig gesny word nadat hulle teen hoë spoed in Nelson Mandela-rylaan in Klein-Windhoek teen ‘n muur vasgejaag het.
Die ongeluk het omstreeks middernag skuins oorkant Dagbreek primêre skool gebeur. Twee bottels Jameson-whiskey is in die voertuig gevind - die een heel en die ander een stukkend.
Die ongeluk het plaasvind op presies dieselfde plek waar twee voertuie Saterdagaand sowat twee ure vroeër trompop gebots het, sê mnr. Sean Naudé van die Namibia Marshall Rangers.
“Ons het voor die aanklokreël (22:00) ‘n oproep gekry dat daar ‘n ongeluk oorkant Dagbreek was. Twee voertuie het mekaar getref. Twee mense is ernstig beseer en moes hospitaal toe geneem word. En toe sowat twee ure later, het ‘n voertuig op presies dieselfde plek in ‘n muur vasgejaag. Beide die instittendes, twee mans vermoedelik so in hul dertigs, is op slag dood en die brandweer moes help om hulle uit die wrak te sny,” sê Naudé.
Foto’s wat op die toneel geneem is, toon Jameson-bottels is in die voertuig gevind. Die straat is afgekordon en ‘n groot aantal polisiebeamptes was op die toneel.
“Die straat is toegemaak en vreeslik baie polisiemanne was op toneel. Ek het nog nooit so groot teenwoordigheid van polisie op ‘n ongelukstoneel gesien nie,” sê hy.
Foto's: Verskaf
Die ongeluk het omstreeks middernag skuins oorkant Dagbreek primêre skool gebeur. Twee bottels Jameson-whiskey is in die voertuig gevind - die een heel en die ander een stukkend.
Die ongeluk het plaasvind op presies dieselfde plek waar twee voertuie Saterdagaand sowat twee ure vroeër trompop gebots het, sê mnr. Sean Naudé van die Namibia Marshall Rangers.
“Ons het voor die aanklokreël (22:00) ‘n oproep gekry dat daar ‘n ongeluk oorkant Dagbreek was. Twee voertuie het mekaar getref. Twee mense is ernstig beseer en moes hospitaal toe geneem word. En toe sowat twee ure later, het ‘n voertuig op presies dieselfde plek in ‘n muur vasgejaag. Beide die instittendes, twee mans vermoedelik so in hul dertigs, is op slag dood en die brandweer moes help om hulle uit die wrak te sny,” sê Naudé.
Foto’s wat op die toneel geneem is, toon Jameson-bottels is in die voertuig gevind. Die straat is afgekordon en ‘n groot aantal polisiebeamptes was op die toneel.
“Die straat is toegemaak en vreeslik baie polisiemanne was op toneel. Ek het nog nooit so groot teenwoordigheid van polisie op ‘n ongelukstoneel gesien nie,” sê hy.
Foto's: Verskaf
Kommentaar
Republikein
Geen kommentaar is op hierdie artikel gelaat nie