Twee pleeg glo selfmoord aan kus

Otis Finck – Twee mense het verlede week in die Erongostreek oënskynlik selfmoord gepleeg. Adj. komm. Erastus Iikuyu het bevestig me. Dawinha Tilling (33) het haarself glo met ’n T-hemp, wat sy aan ’n handdoekrak vasgemaak het, gehang. Die voorval het tussen 06:00 en 07:00 in ’n woonstel by ’n huis in Duinestraat in die Narraville-woonbuurt plaasgevind. “Die oorledene het saam met haar kêrel in die woonstel gewoon. Sy het huis toe gekom nadat sy verskeie kroeë besoek het. Sy het met haar kêrel, wat aan die slaap was, begin baklei. Hy het besluit om weg te gaan om die bakleiery te vermy. Haar liggaam is deur die huiseienaar gevind. Geen selfmoordnota is gevind nie en die polisieondersoek duur voort,” het Iikuyu gesê. In nog ’n voorval is die liggaam van mnr. Sageus Kalonda (46) Woensdag in die motorhuis van sy huis op Arandis gevind. “’n Familielid het die liggaam gevind en die polisie daarvan verwittig. Die oorledene het homself met ’n tou aan ’n houtbak in die motorhuis gehang. Geen selfmoordnota is gevind nie.”Volgens Iikuyu het die oorledene met ‘n vriend se bakkie Swakopmund toe gery sonder om die eienaar van die bakkie, wat by hom gekuier het, daarvan in kennis te stel. Die oorledene was alleen in die voertuig en het sowat 30 kilometer voor Swakopmund glo beheer oor die voertuig verloor en die voertuig het omgeslaan. Volgens ooggetuies het ’n swart sedanvoertuig iemand by die ongelukstoneel opgelaai en in die rigting van Arandis gery.“Ons vermoed die oorledene was die bestuurder van die bakkie,” het Iikuyu gesê.

Twee pleeg glo selfmoord aan kus

Kommentaar

Republikein 2025-05-09

Meld asseblief aan om kommentaar te lewer

Twee pleeg glo selfmoord aan kus

Kommentaar

Republikein 2025-05-09

Meld asseblief aan om kommentaar te lewer

MELD AAN

Advertensie