Twee oor Avisdam-moord ondervra
Twee verdagtes is volgens die Namibiese Persagentskap (Nampa) in hegtenis geneem en word tans ondervra oor die skokmoord op mnr. Daniele Ferrari vroeg Dinsdagaand by Windhoek se Avisdam.
Volgens die polisiehoof, lt.genl. Sebastian Ndeitunga, is dit nog te vroeg om ‘n deurbraak aan te kondig. “Ons is op die saak,” het die inspekteur-generaal gesê.
Gistermiddag toe hy ‘n toespraak gelewer het tydens die induksie van nuwe polisiereserviste het Ndeitunga ‘n bevel uitgereik om die moordenaars so gou moontlik op te spoor aangesien die publiek se vertroue in wetsbewakers op ‘n fyn mespunt balanseer.
Ferrari is eers by die damwal aangeval. Twee drawwers het hom te hulp gesnel, maar is ook aangerand. Hy is klaarblyklik daarna tot by sy motor gevolg waarin sy liggaam met pangawonde aan die kop en verskeie messteke later die aand deur ‘n familielid ontdek is.
Die drawwers het gevlug en die owerhede ontbied, wat eers ná die familie op die toneel opgedaag het.
Volgens die polisiehoof, lt.genl. Sebastian Ndeitunga, is dit nog te vroeg om ‘n deurbraak aan te kondig. “Ons is op die saak,” het die inspekteur-generaal gesê.
Gistermiddag toe hy ‘n toespraak gelewer het tydens die induksie van nuwe polisiereserviste het Ndeitunga ‘n bevel uitgereik om die moordenaars so gou moontlik op te spoor aangesien die publiek se vertroue in wetsbewakers op ‘n fyn mespunt balanseer.
Ferrari is eers by die damwal aangeval. Twee drawwers het hom te hulp gesnel, maar is ook aangerand. Hy is klaarblyklik daarna tot by sy motor gevolg waarin sy liggaam met pangawonde aan die kop en verskeie messteke later die aand deur ‘n familielid ontdek is.
Die drawwers het gevlug en die owerhede ontbied, wat eers ná die familie op die toneel opgedaag het.
Kommentaar
Republikein
Geen kommentaar is op hierdie artikel gelaat nie