Twee nog gesoek ná gewapende roof

Leandrea LouwDie polisie is steeds op soek na twee verdagtes wat glo in die gewapende roof Donderdagoggend by Woerman Brock in Mondesa, Swakopmund, betrokke was. Die twee wat deel was van ’n groep gewapende rowers, het op die vlug geslaan nadat hulle met N$147 560.50 weggekom het. Tot dusver is N$37 370 van die geld teruggekry en twee verdagtes deur die polisie in Walvisbaai in hegtenis geneem, het inspekteur Ileni Shapumba van die polisie in die Erongostreek bevestig. “Een van die verdagtes wat deur ’n veiligheidswag raakgeskiet is, word by ’n hospitaal in Swakopmund behandel. Hy is in ’n stabiele toestand. Ons het ook van die gesteelde geld teruggekry. Ons het ook die voertuig wat hulle gebruik het om op die vlug te slaan by ’n huis in Mondesa gekry.”Shapumba het die hulp van die gemeenskap gevra.“Die derde verdagte wat nog op vrye voet is, is as Malakia Shikongo Naobeb, ’n Oshiwambosprekende man geïdentifiseer. Hy ry ’n silwer Toyota Corolla (Dankie Botswana) met N20615S as registrasiemerk. Dit word vermoed dat hy na die Noorde en die Khomasstreek gevlug het.”Volgens Shapumba is die vierde verdagte nog nie uitgeken nie. Hy is glo in die skietery gewond en vermoedelik in ’n ernstige toestand. “Baie bloed en vier tande is in die voertuig gevind. Die man is ook nog op vrye voet. Die polisie was by die plaaslike hospitale en klinieke tydens hul ondersoek, maar die verdagte was nie by een van hulle nie.”Enigiemand met informasie of wat ’n ernstig gewonde persoon teëgekom het, kan adjunkkommissaris Erastus Iikuyu by 081 246 4757 of speurder Johannes Mwatongwe by 081 246 1121 skakel, of kan ook by die naaste polisiestasie aanmeld.

Twee nog gesoek ná gewapende roof

Kommentaar

Republikein 2025-08-28

Meld asseblief aan om kommentaar te lewer

Twee nog gesoek ná gewapende roof

Kommentaar

Republikein 2025-08-28

Meld asseblief aan om kommentaar te lewer

MELD AAN

Advertensie