Twee minderjariges glo verkrag
Een verdagte het na wat verneem word sy eie lewe geneem ná hy sy meisie glo met ’n byl aangeval het.
Volgens die Namibiese polisie se misdaadverslag is twee minderjariges glo die naweek verkrag.
’n Man het glo Sondag omstreeks 21:45 ’n vyfjarige meisie op die plaas Stinkwater in die Dordabis-omgewing verkrag.
Die verdagte (22) en die kind se ma het na wat verneem word in die ma se kamer gekuier.
Die ma het die kamer verlaat en die verdagte alleen by die meisie gelos.
Sy het haar dogter glo hoor huil en met haar terugkeer gesien sy bloei.
Die verdagte is in hegtenis geneem en was glo ook in die besit van twee ballies dagga ter waarde van N$20.
’n Man (39) is Saterdag deur die polisie op Tsumkwe in hegtenis geneem nadat hy daarvan beskuldig is dat hy ’n kind (2) verkrag het.
Hy het die meisie na bewering in haar ouers se huis verkrag. Beide die slagoffer en die verdagte is in die Mangetti-kliniek opgeneem.
Twee mans het Vrydag tussen 05:00 en 06:00 glo ’n vrou (26) verkrag.
Die voorval het in die B8- informele nedersetting op Karasburg plaasgevind.
Die vrou het na wat verneem word na haar kêrel se huis gegaan ná sy saam met haar suster by ’n plaaslike kroeg gekuier het.
Sy het by haar kêrel aan die slaap geraak en wakker geword toe die man (32) glo besig was om haar te verkrag, terwyl sy vriend na wat verneem word haar arms vasgehou het.
Die kêrel en die vriend het haar glo om die beurt verkrag.
Beide mans is in hegtenis geneem.
Geslagsgeweld
Sondag het mnr. Frans Afrikaner (33) sy meisie na bewering met ’n byl aangeval. Die voorval het glo omstreeks 01:00 by Sakkiesdorp op Leonardville plaasgevind.
Afrikaner het me. Tusnelde Garunas (31) glo ná ’n stryery herhaaldelik oor die kop geslaan. Sy is in ’n kliniek opgeneem waar sy aan haar beserings beswyk het.
Die verdagte het ná die aanval op die vlug geslaan en is om 04:00 dieselfde dag gevind.
Hy het homself aan ’n boom gehang.
Die polisie het glo ’n selfdoodnota, wat al op 5 Januarie geskryf is, tussen sy besittings gevind.
’n Vrou (24) het Saterdag tussen 03:00 en 04:00 haar vriend se huis op Aimablaagte in Mariental na wat verneem word aan die brand gesteek.
Sy en die slagoffer was glo die afgelope ses maande in ’n verhouding.
Die skade beloop na raming N$590 000.
Die vrou is in hegtenis geneem.
’n Man het glo Sondag omstreeks 21:45 ’n vyfjarige meisie op die plaas Stinkwater in die Dordabis-omgewing verkrag.
Die verdagte (22) en die kind se ma het na wat verneem word in die ma se kamer gekuier.
Die ma het die kamer verlaat en die verdagte alleen by die meisie gelos.
Sy het haar dogter glo hoor huil en met haar terugkeer gesien sy bloei.
Die verdagte is in hegtenis geneem en was glo ook in die besit van twee ballies dagga ter waarde van N$20.
’n Man (39) is Saterdag deur die polisie op Tsumkwe in hegtenis geneem nadat hy daarvan beskuldig is dat hy ’n kind (2) verkrag het.
Hy het die meisie na bewering in haar ouers se huis verkrag. Beide die slagoffer en die verdagte is in die Mangetti-kliniek opgeneem.
Twee mans het Vrydag tussen 05:00 en 06:00 glo ’n vrou (26) verkrag.
Die voorval het in die B8- informele nedersetting op Karasburg plaasgevind.
Die vrou het na wat verneem word na haar kêrel se huis gegaan ná sy saam met haar suster by ’n plaaslike kroeg gekuier het.
Sy het by haar kêrel aan die slaap geraak en wakker geword toe die man (32) glo besig was om haar te verkrag, terwyl sy vriend na wat verneem word haar arms vasgehou het.
Die kêrel en die vriend het haar glo om die beurt verkrag.
Beide mans is in hegtenis geneem.
Geslagsgeweld
Sondag het mnr. Frans Afrikaner (33) sy meisie na bewering met ’n byl aangeval. Die voorval het glo omstreeks 01:00 by Sakkiesdorp op Leonardville plaasgevind.
Afrikaner het me. Tusnelde Garunas (31) glo ná ’n stryery herhaaldelik oor die kop geslaan. Sy is in ’n kliniek opgeneem waar sy aan haar beserings beswyk het.
Die verdagte het ná die aanval op die vlug geslaan en is om 04:00 dieselfde dag gevind.
Hy het homself aan ’n boom gehang.
Die polisie het glo ’n selfdoodnota, wat al op 5 Januarie geskryf is, tussen sy besittings gevind.
’n Vrou (24) het Saterdag tussen 03:00 en 04:00 haar vriend se huis op Aimablaagte in Mariental na wat verneem word aan die brand gesteek.
Sy en die slagoffer was glo die afgelope ses maande in ’n verhouding.
Die skade beloop na raming N$590 000.
Die vrou is in hegtenis geneem.
Kommentaar
Republikein
Geen kommentaar is op hierdie artikel gelaat nie