Twee Koreas in gesprek

Noord-Korea gaan ’n afvaardiging van senior amptenare, atlete en ondersteuners stuur om die Pjeongtsjang-winterspele, wat volgende maand in Suid-Korea gehou word, by te woon.Die twee Koreas het Dinsdagoggend samesprekings gehou – die eerste formele samesprekings in twee jaar – om die kwessie te bespreek.Tsjo Mjo-oeng-gion, Suid-Korea se minister van eenwording, sê sy land het ook voorgestel atlete van die twee lande moet saam by die openingseremonie en ander aktiwiteite by die spele optree. Die Noord-Koreaanse ysskaatsers, Ryom Tae Ok en Kim Ju Sik, sal nou aan die Winter- Olimpiese Spele in Pjeongtsjang in Suid-Korea kan deelneem. Hoewel slegs sport op die agenda is, hou wêreldleiers die gesprek fyn dop om te sien of dit die spanning tussen die twee lande sal verminder. Dit is veral van belang te midde vrese oor Noord-Korea wat voortgaan om kernwapens te vervaardig en om resolusies van die Verenigde Nasies te ignoreer.Tsjo sê hy is ook bereid om te praat oor die hereniging van families wat in die Koreaanse oorlog van mekaar geskei is.Die oorlog het in 1953 in ’n skietstilstand geëindig, hoewel die twee lande tegnies gesproke steeds in ’n oorlog gewikkel is.Die samesprekings is in die Peace House-gebou in die Panmunjom Truce-dorpie aan Suid-Korea se kant van die grens gehou.Vyf senior amptenare van elke land was teenwoordig. – Netwerk24/Reuters/Nampa/AFP

Twee Koreas in gesprek

Kommentaar

Republikein 2025-06-20

Meld asseblief aan om kommentaar te lewer

Twee Koreas in gesprek

Kommentaar

Republikein 2025-06-20

Meld asseblief aan om kommentaar te lewer

MELD AAN

Advertensie