Twee brande saai verwoesting
Augetto Graig en Francoise Steynberg - Op Oujaarsdag is in afsonderlike voorvalle huise op Rehoboth en die Namibgrens-gasteplaas deur vlamme verswelg, en 'n man is dood.
'n Brand het omstreek 10:00 by 'n huis op erf 512 in Blok B naby JTC op Rehoboth onstaan en die lewe van die 42-jarige Mario Donwell Rigardo Feris geëis. Feris was gestremd en stom.
Volgens die Namibiese polisie se misdaadverslag het Feris se suster, Sarie, wat met haar drie kinders (3, 7 en 9 jaar oud) ook in die huis gewoon het, die oggend gaan koffie drink by 'n ander suster se huis daar naby. Ná 'n halfuur is sy teruggeroep huis toe omdat die huis aan die brand was.
Die brand het blykbaar in die gestremde man se kamer begin. Die polisie sê die brandweer en Rehoboth-inwoners het hul bes gedoen om die vuur te bestry, maar kon nie vir Feris red nie. Die drie kinders het geen beserings opgedoen nie.
Volgens mnr. Mario Gutteres, wat verlede jaar Rehoboth se vrywillige brandweergroep gestig het, was dit 'n probleem om die huis op te spoor.
"Toe my span op die toneel aankom, was die huis al erg in vlamme," het hy gesê.
"Die dorpsraad se brandweer was toe al op die toneel en besig om die vuur te blus. Gelukkig kon hulle die vlamme onder beheer kry voor ander nabye huise ook vlamgevat het."
Sondag se brand was nie die eerste in die feestydperk op Rehoboth nie. Verlede Vrydag het 'n groot veldbrand langs die B1-hoofpad ook naburige huise bedreig.
Gutteres se vrywilligers het saam met tot 20 lede van die weermag en lede van die dorpsraad se brandweer die vuur onder beheer gekry, het hy gesê.
NAMIBGRENS LY SKADE
Die huis van die eienaar van bekende Namibgrens-gasteplaas in die Gamsberg-gebied wes van Windhoek het op Oujaarsdag om 02:30 in vlamme opgegaan.
Volgens die bestuurder van Namibgrens, me. Annamarie Strydom, het die eienaar, mnr. John Rabie, se grasdakhuis afgebrand terwyl hy en sy gesin op Kaapkruis met vakansie was.
"Die huis het so vinnig afgebrand. Alles is verwoes en ons kon niks red nie," het Strydom gesê.
Die gasteplaas was volbespreek, maar al die gaste is veilig en niemand is in die voorval beseer nie.
Die brandstigters het vermoedelik die brand by Rabie se huis gestig om die aandag af te trek om by Strydom se huis in te breek.
"Terwyl ons gaan kyk het hoe die huis afbrand, het hulle by my huis deur die badkamervenster ingekom. Hulle het kontant van sowat N$17 000 gesteel. Selfs die selfone wat rondgelê het, is nie gesteel nie," het Strydom gesê.
"Om vir hierdie tipe geld soveel skade aan te rig, is verskriklik. Dit is die eerste keer wat so iets op Namibgrens gebeur. Ons jaar het sleg afgesluit.”
Sy sê die Nauchas-polisie en die omgewing se reserviste was baie behulpsaam en hulle het omstreeks 18:00 vier verdagtes aangekeer. Die verdagtes is van die omgewing.
'n Brand het omstreek 10:00 by 'n huis op erf 512 in Blok B naby JTC op Rehoboth onstaan en die lewe van die 42-jarige Mario Donwell Rigardo Feris geëis. Feris was gestremd en stom.
Volgens die Namibiese polisie se misdaadverslag het Feris se suster, Sarie, wat met haar drie kinders (3, 7 en 9 jaar oud) ook in die huis gewoon het, die oggend gaan koffie drink by 'n ander suster se huis daar naby. Ná 'n halfuur is sy teruggeroep huis toe omdat die huis aan die brand was.
Die brand het blykbaar in die gestremde man se kamer begin. Die polisie sê die brandweer en Rehoboth-inwoners het hul bes gedoen om die vuur te bestry, maar kon nie vir Feris red nie. Die drie kinders het geen beserings opgedoen nie.
Volgens mnr. Mario Gutteres, wat verlede jaar Rehoboth se vrywillige brandweergroep gestig het, was dit 'n probleem om die huis op te spoor.
"Toe my span op die toneel aankom, was die huis al erg in vlamme," het hy gesê.
"Die dorpsraad se brandweer was toe al op die toneel en besig om die vuur te blus. Gelukkig kon hulle die vlamme onder beheer kry voor ander nabye huise ook vlamgevat het."
Sondag se brand was nie die eerste in die feestydperk op Rehoboth nie. Verlede Vrydag het 'n groot veldbrand langs die B1-hoofpad ook naburige huise bedreig.
Gutteres se vrywilligers het saam met tot 20 lede van die weermag en lede van die dorpsraad se brandweer die vuur onder beheer gekry, het hy gesê.
NAMIBGRENS LY SKADE
Die huis van die eienaar van bekende Namibgrens-gasteplaas in die Gamsberg-gebied wes van Windhoek het op Oujaarsdag om 02:30 in vlamme opgegaan.
Volgens die bestuurder van Namibgrens, me. Annamarie Strydom, het die eienaar, mnr. John Rabie, se grasdakhuis afgebrand terwyl hy en sy gesin op Kaapkruis met vakansie was.
"Die huis het so vinnig afgebrand. Alles is verwoes en ons kon niks red nie," het Strydom gesê.
Die gasteplaas was volbespreek, maar al die gaste is veilig en niemand is in die voorval beseer nie.
Die brandstigters het vermoedelik die brand by Rabie se huis gestig om die aandag af te trek om by Strydom se huis in te breek.
"Terwyl ons gaan kyk het hoe die huis afbrand, het hulle by my huis deur die badkamervenster ingekom. Hulle het kontant van sowat N$17 000 gesteel. Selfs die selfone wat rondgelê het, is nie gesteel nie," het Strydom gesê.
"Om vir hierdie tipe geld soveel skade aan te rig, is verskriklik. Dit is die eerste keer wat so iets op Namibgrens gebeur. Ons jaar het sleg afgesluit.”
Sy sê die Nauchas-polisie en die omgewing se reserviste was baie behulpsaam en hulle het omstreeks 18:00 vier verdagtes aangekeer. Die verdagtes is van die omgewing.
Kommentaar
Republikein
Geen kommentaar is op hierdie artikel gelaat nie