Twee babas in Kerstyd weggegooi
Twee pasgebore babas is in Kerstyd in die Noorde weggegooi en 'n vyf maande oue baba is glo deur sy ma doodgelê.
Volgens die Namibiese polisie se misdaadverslag is ‘n 20-jarige vrou op Kersdag in hegtenis geneem.
“Sy het na bewering om 04:30 in die Ohamutu-nedersetting naby Etayi geboorte aan ‘n babaseuntjie gegee en hom in die veld weggegooi,” sê die polisie.
Saterdag omstreeks 07:40 is ‘n babaseuntjie tussen Onethindi en Oniipa deur ‘n sekuriteitswag gevind.
“Hy het die baba toegedraai in ‘n swart plastieksak onder ‘n boom gevind,” het die polisie gesê.
Die polisie doen ’n beroep op die publiek om te help met inligting wat kan lei tot die inhegtenisneming van die verdagte.
‘n Ma van die Vikota-nedersetting naby Mashare word van strafbare manslag aangekla nadat haar vyf maande oue babaseuntjie, Ngova Elina Mudi, Saterdagoggend dood langs haar in die bed gevind is.
“Na bewering het die ma wat onder die invloed van alkohol was, bo-op die baba geslaap en hom doodgelê. Die polisieondersoek duur voort,” sê die polisie.
Volgens die Namibiese polisie se misdaadverslag is ‘n 20-jarige vrou op Kersdag in hegtenis geneem.
“Sy het na bewering om 04:30 in die Ohamutu-nedersetting naby Etayi geboorte aan ‘n babaseuntjie gegee en hom in die veld weggegooi,” sê die polisie.
Saterdag omstreeks 07:40 is ‘n babaseuntjie tussen Onethindi en Oniipa deur ‘n sekuriteitswag gevind.
“Hy het die baba toegedraai in ‘n swart plastieksak onder ‘n boom gevind,” het die polisie gesê.
Die polisie doen ’n beroep op die publiek om te help met inligting wat kan lei tot die inhegtenisneming van die verdagte.
‘n Ma van die Vikota-nedersetting naby Mashare word van strafbare manslag aangekla nadat haar vyf maande oue babaseuntjie, Ngova Elina Mudi, Saterdagoggend dood langs haar in die bed gevind is.
“Na bewering het die ma wat onder die invloed van alkohol was, bo-op die baba geslaap en hom doodgelê. Die polisieondersoek duur voort,” sê die polisie.
Kommentaar
Republikein
Geen kommentaar is op hierdie artikel gelaat nie