TV-lisensies is uit die oude doos
ROOI OLIFANT SKRYF:
Die invordering van TV-lisensiegeld moet dringend hersien word in die lig van moderne verwikkelinge in dié sektor.
Die nasionale uitsaaier, NBC, trek onregmatig en onregverdig alleen voordeel uit hierdie geld, terwyl 'n nasionale beheerliggaam (CRAN) eintlik die fondse behoort te reguleer, ontvang en eweredig versprei.
Daar is nie net een uitsaaier nie.
Die vraag is of ander, soos One Africa, TBN Namibia, Satelio Television Namibia, Namibia TV & DVD Productions en Namcol ook by lisensiegelde baat of nie.
Die NBC maak reeds geld uit hul DTT-dekodeerders, advertensies en staatsubsidiëring, wat hulle as't ware 'n kommersiële uitsaaier maak. Daarbenewens vorder die NBC straffooie van tot 100% per jaar by onbetaalde TV-eienaars in. Dis net in naam 'n staatsinstelling.
Die tradisionele rol van die NBC, in terme van invorderings, is dus onvanpas en moet onwettig verklaar word.
As CRAN volgens die Kommunikasiewet die beheerliggaam is, hoekom vorder hulle nie TV-gelde in nie? Hierdie wet bepaal dat CRAN op die gebied van uitsaaiwese en telekommunikasiedienste die mandaat het om lisensies uit te reik, te hernu, te wysig, oor te dra, op te skort en te skrap.
Ek dink die NBC misbruik hul posisie en geskiedenis met behulp van die wet wat hul werksaamhede bepaal. In die proses word verbruikers uitgebuit.
Nie almal kyk ook NBC of besit 'n NBC-dekodeerder nie. Alle ander uitsaaiers bied ook nie die NBC se kanale aan kykers nie.
Sommige mense gebruik TV's slegs vir ander doeleindes, byvoorbeeld vir onderrig, tuisvermaak soos speletjies, musiek, rolprente, as rekenaarskerm ensovoorts. Maar almal moet betaal.
Die televisie-eienaar betaal reeds verkoopsbelasting (BTW) by die aankoop van sy kassie. Hoekom moet ons voortgaan om TV-lisensiegelde aan die NBC te betaal?
Hierdie ekonomiese masjien moet end kry. Die ministers van inligting en kommunikasietegnologie, finansies, CRAN en NBC moet verduidelik.
Die invordering van TV-lisensiegeld moet dringend hersien word in die lig van moderne verwikkelinge in dié sektor.
Die nasionale uitsaaier, NBC, trek onregmatig en onregverdig alleen voordeel uit hierdie geld, terwyl 'n nasionale beheerliggaam (CRAN) eintlik die fondse behoort te reguleer, ontvang en eweredig versprei.
Daar is nie net een uitsaaier nie.
Die vraag is of ander, soos One Africa, TBN Namibia, Satelio Television Namibia, Namibia TV & DVD Productions en Namcol ook by lisensiegelde baat of nie.
Die NBC maak reeds geld uit hul DTT-dekodeerders, advertensies en staatsubsidiëring, wat hulle as't ware 'n kommersiële uitsaaier maak. Daarbenewens vorder die NBC straffooie van tot 100% per jaar by onbetaalde TV-eienaars in. Dis net in naam 'n staatsinstelling.
Die tradisionele rol van die NBC, in terme van invorderings, is dus onvanpas en moet onwettig verklaar word.
As CRAN volgens die Kommunikasiewet die beheerliggaam is, hoekom vorder hulle nie TV-gelde in nie? Hierdie wet bepaal dat CRAN op die gebied van uitsaaiwese en telekommunikasiedienste die mandaat het om lisensies uit te reik, te hernu, te wysig, oor te dra, op te skort en te skrap.
Ek dink die NBC misbruik hul posisie en geskiedenis met behulp van die wet wat hul werksaamhede bepaal. In die proses word verbruikers uitgebuit.
Nie almal kyk ook NBC of besit 'n NBC-dekodeerder nie. Alle ander uitsaaiers bied ook nie die NBC se kanale aan kykers nie.
Sommige mense gebruik TV's slegs vir ander doeleindes, byvoorbeeld vir onderrig, tuisvermaak soos speletjies, musiek, rolprente, as rekenaarskerm ensovoorts. Maar almal moet betaal.
Die televisie-eienaar betaal reeds verkoopsbelasting (BTW) by die aankoop van sy kassie. Hoekom moet ons voortgaan om TV-lisensiegelde aan die NBC te betaal?
Hierdie ekonomiese masjien moet end kry. Die ministers van inligting en kommunikasietegnologie, finansies, CRAN en NBC moet verduidelik.
Kommentaar
Republikein
Geen kommentaar is op hierdie artikel gelaat nie