Turkye en Afrika versterk bande
Turkye se minister van buitelandse sake het ter viering van Afrikadag ’n positiewe boodskap gelewer.
Met Vrydag se viering van Afrikadag het Turkye die vasteland se prestasies geprys.
Tevredenheid is oor dié land en Afrika se ontwikkelingsvennootskap uitgespreek.
Turkye se minister van buitelandse sake, mnr. Mevlüt Çavusoglu, het die hoop uitgespreek dat selfs nouer bande en groter samewerking tussen sy land en Afrika gesmee word.
“Politieke instansies in Afrika is aan die ontwikkel en ons sien die opkoms van ‘n sterk middelklas in baie Afrikalande.
“Die vasteland wil aan alle volhoubare ontwikkelingsdoelwitte voldoen. Afrika streef na die uitwissing van absolute armoede, die voorsiening van waardevolle opvoedkundige geleenthede en goeie staatsbestuur as norm,” het hy gesê.
VRYE HANDEL-OOREENKOMS
“Afrika funksioneer toenemend as ‘n eenheid en die vasteland se ooreenkoms met betrekking tot vrye handel is ‘n kritieke mylpaal wat Afrika se toekoms sal vorm,” sê Çavusoglu.
Hy sê sy land is ’n trotse vennoot van Afrikalande, en Turkye se betrokkenheid is op blywende betrekkinge geskoei.
Die hoofdoel van Turkse betrokkenheid in Afrika is dat dit volhoubaar en in wedersydse belang sal wees.
Hy wys daarop dat Turkye se eerste minister, mnr. Recep Tayyip Erdogan, sedert sy aanstelling reeds 26 Afrikalande besoek het.
Dit het die weg vir nuwe samewerkingsooreenkomste gebaan.
DIPLOMATIEKE VERTEENWOORDIGING
Turkye het tans diplomatieke verteenwoordiging by 41 ambassades, waarvan die nuutste in Sierra Leone en Ekwatoriaal-Guinee is.
Die land beoog om die aantal ambassades in die medium termyn tot 50 te verhoog en om uiteindelik diplomatieke verteenwoordiging in alle Afrikalande te hê.
“Vanjaar is die tiende herdenking van ons strategiese vennootskap met die Afrika-unie (AU). Tydens ‘n onlangse hoëvlakvergadering van senior AU-amptenare en van Afrika se ministers van buitelandse sake in Istanboel is institusionele samewerking hersien. Nuwe teikens is ook vir meer produktiewe betrekkinge gestel,” het Çavusoglu gesê.
Die tweede Turkye-Afrika-sakeforum word in Oktober vanjaar aangebied en ‘n derde Turkye-Afrika-spitsberaad word vir 2019 beplan.
HANDEL MEER AS US$20 MILJARD
Volgens Çavusoglu behels handel met Afrika nou al meer as US$20 miljard - vyf keer meer as wat dit in 2003 was.
Die Turkse lugredery vlieg ook reeds na 52 bestemmings in 34 Afrikalande.
Hierbenewens dra Turkye aktief by tot vrede en veiligheid op die Afrikavasteland. Bystand word in die bekamping van terrorisme in die Sahel gelewer en tydens die onlangse Brussel-konferensie het Turkye US$4 miljoen bewillig om die G5 Sahel-veiligheidsmag te ondersteun.
“Ons benadering tot Afrika is gegrond op deursigtige, langtermyn- en strategiese vennootskappe. Ons is vol vertroue hierdie vennootskap hou ‘n blink toekoms vir Turkye en sy vennote in Afrika in,” het Çavusoglu gesê.
Tevredenheid is oor dié land en Afrika se ontwikkelingsvennootskap uitgespreek.
Turkye se minister van buitelandse sake, mnr. Mevlüt Çavusoglu, het die hoop uitgespreek dat selfs nouer bande en groter samewerking tussen sy land en Afrika gesmee word.
“Politieke instansies in Afrika is aan die ontwikkel en ons sien die opkoms van ‘n sterk middelklas in baie Afrikalande.
“Die vasteland wil aan alle volhoubare ontwikkelingsdoelwitte voldoen. Afrika streef na die uitwissing van absolute armoede, die voorsiening van waardevolle opvoedkundige geleenthede en goeie staatsbestuur as norm,” het hy gesê.
VRYE HANDEL-OOREENKOMS
“Afrika funksioneer toenemend as ‘n eenheid en die vasteland se ooreenkoms met betrekking tot vrye handel is ‘n kritieke mylpaal wat Afrika se toekoms sal vorm,” sê Çavusoglu.
Hy sê sy land is ’n trotse vennoot van Afrikalande, en Turkye se betrokkenheid is op blywende betrekkinge geskoei.
Die hoofdoel van Turkse betrokkenheid in Afrika is dat dit volhoubaar en in wedersydse belang sal wees.
Hy wys daarop dat Turkye se eerste minister, mnr. Recep Tayyip Erdogan, sedert sy aanstelling reeds 26 Afrikalande besoek het.
Dit het die weg vir nuwe samewerkingsooreenkomste gebaan.
DIPLOMATIEKE VERTEENWOORDIGING
Turkye het tans diplomatieke verteenwoordiging by 41 ambassades, waarvan die nuutste in Sierra Leone en Ekwatoriaal-Guinee is.
Die land beoog om die aantal ambassades in die medium termyn tot 50 te verhoog en om uiteindelik diplomatieke verteenwoordiging in alle Afrikalande te hê.
“Vanjaar is die tiende herdenking van ons strategiese vennootskap met die Afrika-unie (AU). Tydens ‘n onlangse hoëvlakvergadering van senior AU-amptenare en van Afrika se ministers van buitelandse sake in Istanboel is institusionele samewerking hersien. Nuwe teikens is ook vir meer produktiewe betrekkinge gestel,” het Çavusoglu gesê.
Die tweede Turkye-Afrika-sakeforum word in Oktober vanjaar aangebied en ‘n derde Turkye-Afrika-spitsberaad word vir 2019 beplan.
HANDEL MEER AS US$20 MILJARD
Volgens Çavusoglu behels handel met Afrika nou al meer as US$20 miljard - vyf keer meer as wat dit in 2003 was.
Die Turkse lugredery vlieg ook reeds na 52 bestemmings in 34 Afrikalande.
Hierbenewens dra Turkye aktief by tot vrede en veiligheid op die Afrikavasteland. Bystand word in die bekamping van terrorisme in die Sahel gelewer en tydens die onlangse Brussel-konferensie het Turkye US$4 miljoen bewillig om die G5 Sahel-veiligheidsmag te ondersteun.
“Ons benadering tot Afrika is gegrond op deursigtige, langtermyn- en strategiese vennootskappe. Ons is vol vertroue hierdie vennootskap hou ‘n blink toekoms vir Turkye en sy vennote in Afrika in,” het Çavusoglu gesê.
Kommentaar
Republikein
Geen kommentaar is op hierdie artikel gelaat nie