Tuistrots teen Leeus verdedig

Andrew Poolman - 'n Gekweste span Goue Leeus arriveer die naweek in Windhoek op soek na hul eerste oorwinning in die SuperSport uitdaagreeks.Die Johannesburgers is vanjaar onder die nuwe hoofafrigterskap van Herkie Kruger, voormalige losskakel van die Sharks en die Leeus, wat tot laasjaar 'n hulpafrigter by dié unie was.Die Leeus het hul enigste wedstryd sover met nege punte teen die Pumas verloor (35-26) en het dus nie eens 'n bonuspunt vir dié tuiswedstryd gekry nie.Kruger en sy manne het egter intussen 'n afnaweek gehad om te hergroepeer. Sy uitdaging tot dusver was die ontwrigting dat hy maar ongereelde toegang gehad het tot sy spelersgroep vanweë die Leeus se Superrugby-verpligtinge, asook die Varsitybeker.Die Gautengse unie wemel egter van rugbytalent en die SuperSport uitdaagreeks is 'n waardige platform om spelers vir die hoër vlakke van die spel voor te berei. Dit is immers die plaasvervanger vir die Vodacombeker – die vlak waar die huidige Springbokhaker Malcolm Marx nog in 2015 as 'n “onbekende” hier in Windhoek kom speel het.Die Windhoek Draught Welwitschias het sover twee verloorwedstryde agter die blad, nadat hulle tuis deur die Valke (7-39) en weg deur die Blou Bulle (20-73) geklop is.Die ervare flank en nasionale kaptein Rohan Kitshoff sal Saterdag sy terugkeer maak ná sy blaaskans teen die Bulle, maar afrigter Lyn Jones het sy losvoorspelermaat Leneve Damens die kans gegee om as leier van die Namibiese amateurspan voort te gaan.Agterlangs behoort die terugkeer van Johann Tromp as linkervleuel van groot waarde vir die Namibiërs te wees. Saam met Chrysander Botha en Janry du Toit vorm hy 'n nuwe agterste driehoek wat die plek van laas naweek se kombinasie (Mahco Prinsloo, David Philander en Tuna Amutenya) inneem.Die Welwitschias-agterlyn lyk propvol ondernemingsgees op die aanval, maar die vraag is of 'n genoegsame fondament in die vaste fasette gelê kan word.Vir die stut Hans Breedt en flank Adriaan Booysen sal dit hul eerste insluiting in die beginspan wees, ná verskynings vanaf die bank in die vroeër wedstryde. Max Katjijeko skuif na slot in die plek van Ruan Ludick.Hauta Veii (stut) en Christo van der Merwe (losvoorspeler) is ook uit laas naweek se NRU premierliga-wedstryde nader geroep om op die reserwebank diens te doen.Die Goue Leeus het die afgelope seisoene min weerstand van Namibië gekry. Laasjaar het hulle in Johannesburg met 112-14 gewen en in Windhoek met 84-0.Die Windhoek Draught Welwitschias: 15 Chrysander Botha, 14 Janry du Toit, 13 JC Greyling, 12 Darryl de la Harpe, 11 Johann Tromp, 10 PW Steenkamp, 9 Helarius Kisting, 8 Rohan Kitshoff, 7 Leneve Damens (kapt), 6 Adriaan Booysen, 5 Max Katjijeko, 4 Mahepisa Tjeriko, 3 AJ de Klerk, 2 Obert Nortjé, 1 Hans Breedt.Reserwes: 16 Desiderius Sethie, 17 Roderique Victor, 18 Hauta Veii, 19 Denzil van Wyk, 20 Christo van der Merwe, 21 JC Winkler, 22 Gino Wilson.Goue Leeus: 15 Jean-luc Cilliers, 14 Tyreeq February, 13 Jan-Louis la Grange, 12 Wayne van der Bank, 11 Ronald Brown, 10 Shaun Reynolds, 9 Bradley Thain, 8 Jo-Hanko de Villiers, 7 Willem Massyn, 6 James Venter, 5 Rhyno Herbst, 4 Reinhard Nothnagel, 3 Chergin Fillies, 2 Corné Fourie (kapt), 1 Stephen Bhasera.Reserwes: 16 Pieter Jansen, 17 Nico du Plessis, 18 Adriaan Bester, 19 Phumzile Maqondwana, 20 Morné van den Berg, 21 Eduard Fouche, 22 Siyabonga Masuku.

Tuistrots teen Leeus verdedig

Kommentaar

Republikein 2025-11-05

Meld asseblief aan om kommentaar te lewer

Tuistrots teen Leeus verdedig

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.