Tucna maak voorstelle vir hulp tydens droogte
Die vakbondkongres sê Namibië moes lankal 'n gestruktureerde reaksiemeganisme hê wat tydens rampdroogtes in werking tree.
Elvira Hattingh - Tydens die droogte moet die regering geraakte gemeenskappe se waterrekeninge oorneem, BTW tydelik op sekere boerderybenodighede afskaf en 'n moratorium op die verhoging van munisipale heffings plaas.
Dít is enkele van die voorstelle wat die Vakbondkongres van Namibië (Tucna) se sekretaris-generaal, mnr. Mahongora Kavihuha, Woensdag tydens 'n nuuskonferensie gemaak het.
Kavihuha het gesê hulle waardeer die feit dat die regering die omstandighede só ernstig opneem dat die droogte tot nasionale ramp verklaar is, hoewel die reaksie láát is.
Hy het hom ook sterk uitgespreek oor die regering se “skynbare onvermoë en dwaasheid” om die “eeueoue kwessie” te hanteer.
“As ons die vermoëns gehad het en nie dwaas was nie, sou ons nou reeds 'n gestruktureerde reaksiemeganisme gehad het met die nodige kapasiteit om steun tydens die droogte-pandemie te bied,” het Kavihuha gesê.
Hy het voorgestel die regering neem die betaling van geraaktes se waterrekeninge terugwerkend van 1 Januarie vanjaar af tot die aanvang van die reënseisoen oor en vereffen dit by NamWater.
Hy het gesê dit sal dié groepe met toegang tot water vir hul vee help, asook met die kweek van gewasse as kos vir boere en hul vee.
Kwytskelding van belasting op toegevoegde waarde (BTW) op alle noodsaaklikhede soos byvoorbeeld veevoer, veemedisyne, saad en kunsmis word gevra as 'n meer regstreekse manier om steun te bied.
“Die moratorium op die betaling van BTW moet ook vir alle stapelvoedsel geld, wat deur die meerderheid arm en gemarginaliseerde mense geeët word . . .” het Kavihuha gesê.
'n Moratorium op die verhoging van munisipale heffings moet ook tydens die droogte ingestel word.
Intussen het die ||Kharasstreek se goewerneur, me. Lucia Basson, boere in die streek aangeraai om teen die ernstige droogte in die streek en Namibië as 'n geheel saam te staan, berig Nampa.
Basson het Woensdag ook 'n vergadering toegespreek, wat deur die ministerie van landbou, water en bosbou gereël is.
Sy het gesê diegene wat beter af is of hulself tydens die droogte kan steun, moet voorrang verleen aan dié wat hulp werklik benodig.
Die ministerie het aangedui boere onder die lewendehawe-bemarkingsaansporingskema sal gehelp word, vee sal van en na weidingsgebiede aangery word en lek- en voersubsidies sal verskaf word.
Dít is enkele van die voorstelle wat die Vakbondkongres van Namibië (Tucna) se sekretaris-generaal, mnr. Mahongora Kavihuha, Woensdag tydens 'n nuuskonferensie gemaak het.
Kavihuha het gesê hulle waardeer die feit dat die regering die omstandighede só ernstig opneem dat die droogte tot nasionale ramp verklaar is, hoewel die reaksie láát is.
Hy het hom ook sterk uitgespreek oor die regering se “skynbare onvermoë en dwaasheid” om die “eeueoue kwessie” te hanteer.
“As ons die vermoëns gehad het en nie dwaas was nie, sou ons nou reeds 'n gestruktureerde reaksiemeganisme gehad het met die nodige kapasiteit om steun tydens die droogte-pandemie te bied,” het Kavihuha gesê.
Hy het voorgestel die regering neem die betaling van geraaktes se waterrekeninge terugwerkend van 1 Januarie vanjaar af tot die aanvang van die reënseisoen oor en vereffen dit by NamWater.
Hy het gesê dit sal dié groepe met toegang tot water vir hul vee help, asook met die kweek van gewasse as kos vir boere en hul vee.
Kwytskelding van belasting op toegevoegde waarde (BTW) op alle noodsaaklikhede soos byvoorbeeld veevoer, veemedisyne, saad en kunsmis word gevra as 'n meer regstreekse manier om steun te bied.
“Die moratorium op die betaling van BTW moet ook vir alle stapelvoedsel geld, wat deur die meerderheid arm en gemarginaliseerde mense geeët word . . .” het Kavihuha gesê.
'n Moratorium op die verhoging van munisipale heffings moet ook tydens die droogte ingestel word.
Intussen het die ||Kharasstreek se goewerneur, me. Lucia Basson, boere in die streek aangeraai om teen die ernstige droogte in die streek en Namibië as 'n geheel saam te staan, berig Nampa.
Basson het Woensdag ook 'n vergadering toegespreek, wat deur die ministerie van landbou, water en bosbou gereël is.
Sy het gesê diegene wat beter af is of hulself tydens die droogte kan steun, moet voorrang verleen aan dié wat hulp werklik benodig.
Die ministerie het aangedui boere onder die lewendehawe-bemarkingsaansporingskema sal gehelp word, vee sal van en na weidingsgebiede aangery word en lek- en voersubsidies sal verskaf word.
Kommentaar
Republikein
Geen kommentaar is op hierdie artikel gelaat nie