Tsumeb bou voort op Norich-nalatenskap

'n Tweedaagse sokkertoernooi in die Oscar Norich-sportstadion op Tsumeb sal volgende week deel van die bekendstelling van die Oscar T. Norich-stigting vorm.Die legendariese sokkerfiguur wat in 2014 op 78-jarige leeftyd oorlede is, het as speler en administrateur diep spore in Namibiese sokker getrap. As doelskieter het hy onder meer vir African Stars, Blue Waters en die Etosha Leeus uitgedraf – jare voordat Tsumeb se sportstadion na hom vernoem is.Die nie-winsgewende organisasie het in Junie goedkeuring van die ministerie van sport, die Oshikoto-streekraad en die Oshikoto-goewerneur ontvang om met sy programme te begin.Bevordering van die hoop en ambisies van minderbevoorregtes, jonk en oud, sal die hoeksteen van die stigting vorm.Die bekendstelling is vir Saterdag 24 Augustus tydens 'n spogdinee om 18:00 by Farmhouse Deli by Tsumeb geskeduleer. Individuele kaartjies beloop N$500, terwyl tafels vir tien mense ook vir families (N$4 500) of besighede (N$5 000) te koop is.MOTIVERINGDie koördineerder, mnr. Bennet Norich, sê: “Ons streef daarna om lewe en hoop te bring in die some desperate lewens van jong én oumense. Ons beoog verder om maatskaplike probleme soos dwelm- en alkoholmisbruik, geweld en misdaad en tienerswangerskappe te help bekamp deur die gebruik van hulpmiddels soos motivering, die oordrag van vaardighede en talentontwikkeling, opvoedkundige bemagtiging, sportontwikkeling, leefstyl- en Christelike opvoeding.”BELANGRIKE GASTEDie bekendstelling word met die bywoning deur verskeie rolspelers, hoogwaardigheidsbekleërs, afgevaardigdes en borge gevier. Na verwagting sal ongeveer 300 mense die spogdinee bywoon, waar meer besonderhede oor die beplande operasies gedeel sal word.Die Oscar T. Norich-stigting beoog om die gemeenskap op te hef en te bemagtig deur 'n verskeidenheid inisiatiewe en platforms ter nagedagtenis van die lewe en nalatenskap van die gevierde voormalige sokkerster.“Die Oscar T. Norich-stigting is daarop gemik om die gemarginaliseerde gemeenskappe beide maatskaplik en ekonomies te ondersteun en te bemagtig deur hul lewensomgewing te verbeter, toegang tot gesondheidsorg en onderwys te verhoog, maatskaplike insluiting te vergemaklik en geleenthede te skep wat hulle toelaat om 'n meer volhoubare toekoms te bou,” sê Norich.'n Sportmuseum wat die erfenis van die Tsumeb-sportgemeenskap uiteensit en vir die nageslag bewaar, is een van die beoogde projekte.Skakel Oscar Bennet Norich by 081 870 1662 om betrokke te raak.

Tsumeb bou voort op Norich-nalatenskap

Kommentaar

Republikein 2025-11-05

Meld asseblief aan om kommentaar te lewer

Tsumeb bou voort op Norich-nalatenskap

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.