Tsumeb begraafplaas trek nuwe baadjie aan

Tanja Bause - In 2014 het me. Riana van der Westhuizen die grafte van haar pa en swaer by die Tsumeb begraafplaas besoek. Dit was gedurende die reëntyd en die gras het kniehoogte gestaan. Ná sy die munisipaliteit gevra het om skoon te maak en hulle gesê het dit word net twee keer ? jaar gedoen, het sy en haar vriende self ingesping om van die onkruid ontslae te raak.Mee. Debbie Sachse en Anita Devenish en hul werkeners het ook vinnig daad by woord gevoeg, en begin help. Sedert die begin van die jaar gaan die vroue elke maand om skoon te maak en is tannie Marie Bester intussen as opsigter oor die werkers aangestel. Sachse het ook die begraafplaas register by die munisipaliteit gekry en nou is sy besig om ? kaart saam te stel oor watter graf aan wie behoort, wat dit veel makliker sal maak om geliefdes se grafte te vind. Volgens Sachse is daar baie familielede wat self kom om geliefdes se grafte skoon te maak.Omdat baie grafte en grafstene beskadig is, het Sachse foto's daarvan op Tsumeb se tuisblad geplaas. “Ons het baie reaksie gekry van mense wat hulle familie se grafte gesien het en graag wou hê dit moet herstel word,” het sy gesê. Die vroue het ook al die waterkrane op die terrein laat herstel. Hulle will nou nog bome plant en sitbankies laat herstel. Daar is ook talle grafstene waarvan die skrif nie meer leesbaar is nie, wat oorgeverf is en nou weer maklik herkenbaar is.Die volgende groot projek is om ? muur om die hele begraafplaas te bou.“Daar is oral gate in die draad en mense gebruik die begraafplaas as ? deurloop. ? Muur sal die probleem oplos,” sê Sachse. Sy het gesê daar is ook ? bankrekening geopen vir mense wat bydraes wil maak. Die eerste skenking het gekom van ? man wat sy suster se graf gesoek het. Sy het maar twee dae gelewe. Sachse het by die munisipaliteit daaroor gaan uitgevind en dit vinnig daarna opgespoor. Die graf het nou ? mooi grafsteen gekry.Die groep vroue het al verskeie donasies van individue en maatskappye ontvang, en die munisipaliteit het intussen personeel beskikbaar gestel wat help.

Tsumeb begraafplaas trek nuwe baadjie aan

Kommentaar

Republikein 2025-07-02

Meld asseblief aan om kommentaar te lewer

Tsumeb begraafplaas trek nuwe baadjie aan

Kommentaar

Republikein 2025-07-02

Meld asseblief aan om kommentaar te lewer

MELD AAN

Advertensie