Trusted Travel System amptelik in Namibië bekendgestel
Die Trusted Traveler System is vanoggend amptelik in Namibië bekendgestel. Dit bied 'n digitale platform vir die verifiëring en goedkeuring van die uitslae van Covid-19-toetse van 'n netwerk van deelnemende laboratoriums wat vir die siekte toets, asook gesondheidsowerhede by grensposte, lughawens en hawens. Volgens die minister van gesondheid en maatskaplike dienste, dr. Kalumbi Shangula, stel die stelsel owerhede in staat om enige bedrog of vervalsing van uitslae vinnig op te tel. Met die groter integrasie onder die verwante stelsels is dit volgens hom makliker vir reisigers om te beplan en hul reise onverstoord aan te pak.
Kommentaar
Republikein
Geen kommentaar is op hierdie artikel gelaat nie