Trust belê in gemeenskap

02 July 2018 | Maatskaplik
Tanja Bause – Die Ohorongo Otavi Community Trust (OOCT) het sedert sy ontstaan in 2008 meer as N$4,3 miljoen bestee om inwoners in Otavi se lewe te verbeter.

Die doel is om projekte te ondersteun wat Otavi se infrastruktuur, mediese dienste en opleiding daar beter maak.

Een van die projekte wat die OOCT ondersteun, is die opgradering van Otavi se sportfasiliteite. Dié geriewe is belangrik vir die gemeenskap, spesifiek met die oog op die fisieke en sielkundige ontwikkeling, van veral die jeug.

OOCT het in 2011 in samewerking met medeborge die sokkervelde opgegradeer. Nou is hulle besig om die Otavi netbal-, vlugbal- en basketbalbane op te knap. Die projek van N$2,7 miljoen behoort teen einde Augustus voltooi te wees, het mnr. Rudolf Coetzee van Ohorongo gesê.

“Aanvanklik wou ons net die ou bane opgradeer, maar ons moes dit toe alles sloop en van nuuts af bou,” het hy gesê.

Vir dié werk het ondersteuners soos Agra en Dundee Precious Metals hande met OOCT gevat, terwyl Ohorongo Cement onderneem het om toesig oor die projek te hou en dit te voltooi.

B2Gold het ’n bydrae van N$500 000 vir die opgradering van die sportfasiliteite gemaak.

“Die projek word in drie fases uitgevoer. Die eerste fase was die omheining en skoonmaak van die perseel. Fase twee behels die opgradering van die drie bane. Fase drie behels die bou van ablusiegeriewe, ’n klein pawiljoen en kleedkamers,” het hy gesê.

Die ou muurbalgebou is op die oomblik ’n gevaar. Die voorstel is gemaak dat dit afgebreek word en daar vir eers net ’n muur opgerig word. “Op die oomblik oefen ’n klein boksklub in die gebou. Dalk kan daar in die toekoms - en as die finansies dit toelaat - ’n nuwe gebou opgerig word, wat as beide boksklub en gimnasium kan dien,” het Coetzee gesê.

Sodra die fasiliteite opgegradeer en gebou is, sal dit aan die Otavi-dorpsraad oorhandig word.

Soortgelyk

 

Bank en depot sal nie sluit nie, sê Peya

24 minute gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

32 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

11 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

11 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

11 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

11 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

11 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

11 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

11 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...