Trump wil immigrasiewet terughou tot ná verkiesing
’n Storm het die afgelope week internasionaal en in Amerika uitgebreek weens Trump se beleid dat immigrante wat die land onwettig uit Mexiko binnekom van hul kinders geskei moet word.
Pres. Donald Trump van Amerika het Republikeinse wetgewers in die Amerikaanse kongres Vrydag gevra om omvattende immigrasiewetgewing tot ná die verkiesing in November uit te stel.
Trump hoop sy Republikeinse Party sal dan meer verteenwoordigers hê om die wetgewing deurgevoer te kry.
’n Storm het die afgelope week internasionaal en in Amerika uitgebreek weens Trump se beleid dat immigrante wat die land onwettig uit Mexiko binnekom van hul kinders geskei moet word.
Hoewel die Republikeine die senaat en die huis van verteenwoordigers beheer, het hulle ’n skrale meerderheid van 51-49 in die senaat oor die Demokrate.
Om wetgewing deurgevoer te kry, het die Republikeine sommige Demokrate se ondersteuning nodig.
“Kry meer Republikeine in November verkies en ons sal die beste, mees regverdige en omvangrykste immigrasiewetgewing in die wêreld hê,” het Trump Vrydagoggend getwiet.
“Die Republikeine moet ophou om hul tyd te mors met immigrasiewetgewing. Wag eerder tot ná die verkiesing (in November) om meer senators en kongreslede verkies te kry.
“Die Demokrate is bloot besig om speletjies te speel en is glad nie van plan om dié probleem, wat al dekades lank met ons is, op te los nie.
“Ons kan wonderlike wetgewing deurvoer ná die rooi golf (die kleur van die Republikeinse Party),” sê Trump in die twiets.
Verwerp wetsontwerp
Die huis van verteenwoordigers het Donderdag ’n voorgestelde wysigingswetsontwerp – wat deur konserwatiewes voorgestaan is – verwerp. Dit sou onder meer ’n einde daaraan bring dat kinders van hul ouers geskei word.
Dit is met 231-191 verwerp nadat 41 Republikeine ook daarteen gestem het.
Die huis het ook die stemmery oor ’n meer gematigde wet uitgestel – waarskynlik tot volgende week – om meer steun daarvoor te probeer werf.
Trump se twiets kan nou ’n einde hieraan bring.
Die Amerikaanse president het albei dié stukke wetgewing gesteun, maar dit is deur die Demokrate en immigrasie-voorspraakgroepe verwerp.
Meer as 2 300 kinders is die afgelope tyd van hul gesinne geskei en word in tentdorpe aan die suidelike Amerikaanse grens met Mexiko gehuisves, terwyl hul ouers strafregtelik aangekla word.
Die groot druk op Trump het hom Woensdag laat besluit om ’n uitvoerende bevel te onderteken dat migrante en hul kinders nie van mekaar geskei mag word nie.
Minstens tien Amerikaanse deelstate beplan om met regstappe teen Trump oor sy immigrasiebeleid te begin.
Intussen is die Amerikaanse weermag, te midde van die groot verwarring oor Trump se beleid, gevra om hom gereed te maak om tot 20 000 kinders van onwettige immigrante te huisves. –Netwerk24/Reuters
Trump hoop sy Republikeinse Party sal dan meer verteenwoordigers hê om die wetgewing deurgevoer te kry.
’n Storm het die afgelope week internasionaal en in Amerika uitgebreek weens Trump se beleid dat immigrante wat die land onwettig uit Mexiko binnekom van hul kinders geskei moet word.
Hoewel die Republikeine die senaat en die huis van verteenwoordigers beheer, het hulle ’n skrale meerderheid van 51-49 in die senaat oor die Demokrate.
Om wetgewing deurgevoer te kry, het die Republikeine sommige Demokrate se ondersteuning nodig.
“Kry meer Republikeine in November verkies en ons sal die beste, mees regverdige en omvangrykste immigrasiewetgewing in die wêreld hê,” het Trump Vrydagoggend getwiet.
“Die Republikeine moet ophou om hul tyd te mors met immigrasiewetgewing. Wag eerder tot ná die verkiesing (in November) om meer senators en kongreslede verkies te kry.
“Die Demokrate is bloot besig om speletjies te speel en is glad nie van plan om dié probleem, wat al dekades lank met ons is, op te los nie.
“Ons kan wonderlike wetgewing deurvoer ná die rooi golf (die kleur van die Republikeinse Party),” sê Trump in die twiets.
Verwerp wetsontwerp
Die huis van verteenwoordigers het Donderdag ’n voorgestelde wysigingswetsontwerp – wat deur konserwatiewes voorgestaan is – verwerp. Dit sou onder meer ’n einde daaraan bring dat kinders van hul ouers geskei word.
Dit is met 231-191 verwerp nadat 41 Republikeine ook daarteen gestem het.
Die huis het ook die stemmery oor ’n meer gematigde wet uitgestel – waarskynlik tot volgende week – om meer steun daarvoor te probeer werf.
Trump se twiets kan nou ’n einde hieraan bring.
Die Amerikaanse president het albei dié stukke wetgewing gesteun, maar dit is deur die Demokrate en immigrasie-voorspraakgroepe verwerp.
Meer as 2 300 kinders is die afgelope tyd van hul gesinne geskei en word in tentdorpe aan die suidelike Amerikaanse grens met Mexiko gehuisves, terwyl hul ouers strafregtelik aangekla word.
Die groot druk op Trump het hom Woensdag laat besluit om ’n uitvoerende bevel te onderteken dat migrante en hul kinders nie van mekaar geskei mag word nie.
Minstens tien Amerikaanse deelstate beplan om met regstappe teen Trump oor sy immigrasiebeleid te begin.
Intussen is die Amerikaanse weermag, te midde van die groot verwarring oor Trump se beleid, gevra om hom gereed te maak om tot 20 000 kinders van onwettige immigrante te huisves. –Netwerk24/Reuters
Kommentaar
Republikein
Geen kommentaar is op hierdie artikel gelaat nie