Trump-veldtog het nie met Rusland geheul

Geen amptenaar verbonde aan pres. Donald Trump se verkiesingsveldtog het doelbewus saam met Rusland tydens die verkiesingsveldtog in 2016 gewerk nie, het die Amerikaanse prokureur-generaal, William Barr, Sondagaand bekend gemaak.Barr het Vrydag ’n vertroulike verslag van die spesiale ondersoeker Robert Mueller ontvang en het belowe hy sou Sondag ’n opsomming van die Mueller-verslag bekend maak.In Barr se verslag aan die kongres sê hy dit wat die ondersoek opgelewer het, is nie genoeg om te bewys Trump het regsverydeling gepleeg nie.Die Mueller-verslag kon ook nie bevind Trump het ’n misdaad gepleeg nie, maar die verslag skeld Trump ook nie vry nie, ’n bevinding wat daartoe kan lei dat Trump in ’n staat van beskuldiging gestel kan word.Mueller se ondersoek het gefokus op Russiese inmenging in die Amerikaanse verkiesing van 2016.Mueller het die afgelope 22 maande ondersoek ingestel of daar enigsins sameswering was tussen Rusland en die verkiesingsveldtog van Trump.STEL VERVOLGINGS INMueller het reeds vervolging teen 34 mense en drie maatskappye ingestel. Van Trump se voormalige raadgewers, soos die voorsitter van sy verkiesingsveldtog, Paul Manafort, en die president se persoonlike prokureur, Michael Cohen, is reeds tronkstraf opgelê.Geen van dié vervolgings en aanklagte verbind die Trump-verkiesingsveldtog met Rusland nie.Mueller, ’n voormalige direkteur van die FBI, het tydens sy ondersoek nie vir Trump persoonlik ontmoet nie. Trump het wel skriftelik geantwoord op sekere vrae rakende Rusland se betrokkenheid by Trump se raadgewers.Amerikaanse intelligensiedienste het kort voordat Trump in 2017 in die Oval Office in die Withuis ingetrek het, bevind Rusland het deur middel van aanlyn propaganda en die kraak van e-posse onmin in Amerika gesaai tot voordeel van Trump en tot nadeel van sy teenstander, Hillary Clinton. – Netwerk24/Reuters

Trump-veldtog het nie met Rusland geheul

Kommentaar

Republikein 2026-05-11

Meld asseblief aan om kommentaar te lewer

Trump-veldtog het nie met Rusland geheul

Kommentaar

Republikein 2026-05-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.