Trump tref 'verbysterende vergelyking'
Drie dae nadat pres. Donald Trump waarskynlik sy mees omstrede nuuskonferensie tot nog toe toegespreek het, het die stof nog nie gaan lê nie.
Albei was groot generaals.
Albei was van Virginia afkomstig. Albei kom van families wat plantasies besit en slawe aangehou het. Geskiedkundiges meen egter dit was vergesog van pres. Donald Trump om George Washington en Robert E. Lee in dieselfde asem te noem.
“Dit is 'n belaglike vergelyking,” sê prof. Alice Fahs van die Universiteit van Kalifornië . “Hy (Lee) is nie 'n stigtersvader nie, maar dit blyk Trump het gedink hy is. Dit is verbysterend.”
Trump se opmerkings Dinsdag is gemaak toe hy diegene verdedig het wat teen die verwydering van Robert E. Lee se standbeeld in Charlottesville, Virginia, gekant is. Dit was die rede vir die gewelddadige protes die afgelope naweek in Charlottesville waarin Heather Hyer dood is.
Trump het gevra: “As julle standbeelde kan plattrek, waar sal dit eindig? So, hierdie week is dit Robert E. Lee. Ek wonder of dit George Washington volgende week is en Thomas Jefferson die week daarna?”
Die meeste geskiedkundiges is dit eens: Die feit dat Washington en Jefferson slawe-eienaars was, het hul positiewe nalatenskap skade berokken.
Gregory Downs, 'n geskiedenisprofessor en ook verbonde aan die Universiteit van Kalifornië, sê daar is 'n groot verskil tussen die nasie se eerste president, George Washington, en die man wat probeer het om af te stig, Robert E. Lee. “Dit is duidelik dat gewapende verraaiers van die nasie nie gelyk is aan diegene wat dit tot stand gebring het nie.”
Hy sê die geskiedkundige konsensus is vandag veel anders as dít wat Trump dekades gelede op skool geleer het. Mense soos Lee is as helde voorgehou en mense soos Frederick Douglass se name was nie eens in die handboeke nie. – Nampa/AP
Albei was van Virginia afkomstig. Albei kom van families wat plantasies besit en slawe aangehou het. Geskiedkundiges meen egter dit was vergesog van pres. Donald Trump om George Washington en Robert E. Lee in dieselfde asem te noem.
“Dit is 'n belaglike vergelyking,” sê prof. Alice Fahs van die Universiteit van Kalifornië . “Hy (Lee) is nie 'n stigtersvader nie, maar dit blyk Trump het gedink hy is. Dit is verbysterend.”
Trump se opmerkings Dinsdag is gemaak toe hy diegene verdedig het wat teen die verwydering van Robert E. Lee se standbeeld in Charlottesville, Virginia, gekant is. Dit was die rede vir die gewelddadige protes die afgelope naweek in Charlottesville waarin Heather Hyer dood is.
Trump het gevra: “As julle standbeelde kan plattrek, waar sal dit eindig? So, hierdie week is dit Robert E. Lee. Ek wonder of dit George Washington volgende week is en Thomas Jefferson die week daarna?”
Die meeste geskiedkundiges is dit eens: Die feit dat Washington en Jefferson slawe-eienaars was, het hul positiewe nalatenskap skade berokken.
Gregory Downs, 'n geskiedenisprofessor en ook verbonde aan die Universiteit van Kalifornië, sê daar is 'n groot verskil tussen die nasie se eerste president, George Washington, en die man wat probeer het om af te stig, Robert E. Lee. “Dit is duidelik dat gewapende verraaiers van die nasie nie gelyk is aan diegene wat dit tot stand gebring het nie.”
Hy sê die geskiedkundige konsensus is vandag veel anders as dít wat Trump dekades gelede op skool geleer het. Mense soos Lee is as helde voorgehou en mense soos Frederick Douglass se name was nie eens in die handboeke nie. – Nampa/AP
Kommentaar
Republikein
Geen kommentaar is op hierdie artikel gelaat nie