Trump se PG moet vrae oor Rusland antwoord
Politieke spanning is aan die oplaai in Washington waar die senaat se intelligensiekomitee gister sy werksaamhede hervat het.
Washington se oë was gister op die senaat se intelligensiekomitee gerig waar die beleërde prokureur-generaal (PG), Jeff Sessions, vrae oor sy kontakte met Rusland en sy rol in die afdanking van die FBI-direkteur, James Comey, moes beantwoord.
Sy verskyning kom midde politieke intriges in die Amerikaanse hoofstad, ná verdoemende getuienis deur Comey voor dieselfde paneel verlede week en met pres. Donald Trump wat sy frustrasie met Sessions, een van sy eerste hoëprofielondersteuners, uitgespreek het.
Tydens sy verskyning Donderdag het Comey gesê die FBI was bewus van inligting wat dit “problematies” vir Sessions sou gemaak het om betrokke te wees by die ondersoek na beweerde Russiese inmenging in verlede jaar se verkiesing.
Comey het gesê hy kan net besonderhede in 'n geslote, geklassifiseerde sessie verskaf, wat spanning laat oplaai het.
Die president het Comey vroeg in Mei afgedank. Gegewe dat die FBI-direkteur in beheer van die ondersoek na Rusland en moontlike sameswering met die Trump-span was, het die afdanking vrae oor moontlike dwarsboming van die gereg laat ontstaan.
Tydens 'n vergadering Maandag by die Withuis het kabinetslede, insluitende Sessions, 'n koor van lofprysing vir die president laat opklink, ondanks die krisisse wat dreig om die administrasie te verswelg.
Sessions sou waarskynlik vrae moes antwoord oor opmerkings Maandag deur 'n Trump-vertroueling, wat aangedui het dat die president dit oorweeg om Robert Mueller, 'n spesiale ondersoekbeampte met wye magte, af te dank wat deur die departement van justisie aangestel is om 'n onafhanklike Trump-Rusland-ondersoek te lei.
Demokrate het gewaarsku dat die kongres weer vir Mueller as onafhanklike ondersoekbeampte sal aanstel indien hy deur Trump afgedank word. - Nampa/AFP
Sy verskyning kom midde politieke intriges in die Amerikaanse hoofstad, ná verdoemende getuienis deur Comey voor dieselfde paneel verlede week en met pres. Donald Trump wat sy frustrasie met Sessions, een van sy eerste hoëprofielondersteuners, uitgespreek het.
Tydens sy verskyning Donderdag het Comey gesê die FBI was bewus van inligting wat dit “problematies” vir Sessions sou gemaak het om betrokke te wees by die ondersoek na beweerde Russiese inmenging in verlede jaar se verkiesing.
Comey het gesê hy kan net besonderhede in 'n geslote, geklassifiseerde sessie verskaf, wat spanning laat oplaai het.
Die president het Comey vroeg in Mei afgedank. Gegewe dat die FBI-direkteur in beheer van die ondersoek na Rusland en moontlike sameswering met die Trump-span was, het die afdanking vrae oor moontlike dwarsboming van die gereg laat ontstaan.
Tydens 'n vergadering Maandag by die Withuis het kabinetslede, insluitende Sessions, 'n koor van lofprysing vir die president laat opklink, ondanks die krisisse wat dreig om die administrasie te verswelg.
Sessions sou waarskynlik vrae moes antwoord oor opmerkings Maandag deur 'n Trump-vertroueling, wat aangedui het dat die president dit oorweeg om Robert Mueller, 'n spesiale ondersoekbeampte met wye magte, af te dank wat deur die departement van justisie aangestel is om 'n onafhanklike Trump-Rusland-ondersoek te lei.
Demokrate het gewaarsku dat die kongres weer vir Mueller as onafhanklike ondersoekbeampte sal aanstel indien hy deur Trump afgedank word. - Nampa/AFP
Kommentaar
Republikein
Geen kommentaar is op hierdie artikel gelaat nie