Trump praat met Pierce Morgan oor sy gewig en gemoed
Ek is ’n stabiele genie.
Dit is hoe pres. Donald Trump van Amerika gereageer het op ’n vraag deur Pierce Morgan, Britse joernalis en ITV-aanbieder, in ’n onderhoud wat Sondagaand uitgesaai is.
Morgan, wat homself as ’n goeie vriend van Trump bestempel, het die omstrede staatshoof ook uitgevra oor sy gewig en of hy soos berig baie hamburgers eet en Coke drink.
“Ek eet goed, regte maaltye deur van die beste sjefs ter wêreld, ek eet gesonde kos. Ek eet ook soms van daai (kitskos) . . . ek dink eintlik ek eet heel goed,” het Trump geantwoord.
Trump het in dié onderhoud, wat verlede week in Davos, Switserland, by die Wêreld- Ekonomiese Forum opgeneem is, omstrede uitlatings oor klimaatsverandering gemaak.
Hy sal dit oorweeg om deel van die Parys-akkoord oor klimaatsverandering te bly, omdat hy goed met Trump het egter bygevoeg dat dit die VSA moet baat terwyl hy twyfel uitgespreek het oor die wetenskap van klimaatsverandering.
“Verkoeling vind plaas, hoewel daar ook verhitting plaasvind. Ek bedoel, kyk, dit was nie altyd klimaatsverandering nie, dit was eers aardeverwarming. Dit het toe nie so goed gewerk nie, want dit het oral te koud begin raak. Die ysgletsers sou smelt, hulle sou teen nou al weg gewees het, maar nou stel hulle nuwe rekords op.”
Trump meen hy is baie gewild in Brittanje, dat die gevoel wedersyds is, en hy sal dié land nog twee keer vanjaar besoek.
Ondanks opposisiepartye wat besware het teen die moontlikheid dat Trump vir Koningin Elizabeth II ontmoet, omdat hy “oneerlik en onwaardig” is en aktiviste onderneem het om die strate in te vaar om teen hom te betoog, meen Trump hy kry hope briewe van Britse aanhangers.
Trump het ook nog nie ’n uitnodiging na Prins Harry en Meghan Markle se troue later vanjaar ontvang nie. – Netwerk24/Reuters
Dit is hoe pres. Donald Trump van Amerika gereageer het op ’n vraag deur Pierce Morgan, Britse joernalis en ITV-aanbieder, in ’n onderhoud wat Sondagaand uitgesaai is.
Morgan, wat homself as ’n goeie vriend van Trump bestempel, het die omstrede staatshoof ook uitgevra oor sy gewig en of hy soos berig baie hamburgers eet en Coke drink.
“Ek eet goed, regte maaltye deur van die beste sjefs ter wêreld, ek eet gesonde kos. Ek eet ook soms van daai (kitskos) . . . ek dink eintlik ek eet heel goed,” het Trump geantwoord.
Trump het in dié onderhoud, wat verlede week in Davos, Switserland, by die Wêreld- Ekonomiese Forum opgeneem is, omstrede uitlatings oor klimaatsverandering gemaak.
Hy sal dit oorweeg om deel van die Parys-akkoord oor klimaatsverandering te bly, omdat hy goed met Trump het egter bygevoeg dat dit die VSA moet baat terwyl hy twyfel uitgespreek het oor die wetenskap van klimaatsverandering.
“Verkoeling vind plaas, hoewel daar ook verhitting plaasvind. Ek bedoel, kyk, dit was nie altyd klimaatsverandering nie, dit was eers aardeverwarming. Dit het toe nie so goed gewerk nie, want dit het oral te koud begin raak. Die ysgletsers sou smelt, hulle sou teen nou al weg gewees het, maar nou stel hulle nuwe rekords op.”
Trump meen hy is baie gewild in Brittanje, dat die gevoel wedersyds is, en hy sal dié land nog twee keer vanjaar besoek.
Ondanks opposisiepartye wat besware het teen die moontlikheid dat Trump vir Koningin Elizabeth II ontmoet, omdat hy “oneerlik en onwaardig” is en aktiviste onderneem het om die strate in te vaar om teen hom te betoog, meen Trump hy kry hope briewe van Britse aanhangers.
Trump het ook nog nie ’n uitnodiging na Prins Harry en Meghan Markle se troue later vanjaar ontvang nie. – Netwerk24/Reuters
Kommentaar
Republikein
Geen kommentaar is op hierdie artikel gelaat nie