Trump gevra om met leeutrofeë uit SA in te gryp

Die Humane Society in Amerika (HSA) is woedend vir die US Fish and Wildlife Service (USFWS) van die Trump-regering nadat dit aan die lig gekom het 280 leeutrofeë van geblikte jag is in 2016 en 2017 vanuit Suid-Afrika deur Amerikaanse jagters na die land ingevoer.Die HSA het die naweek in 'n verklaring gesê die trofeë van geblikte leeus is “onwettig” vanuit Suid-Afrika ingevoer. Die Barack Obama-regering het die invoer van trofeë van geblikte leeus vanuit Suid-Afrika in 2015 verbied omdat leeuboere nie kon bewys die teel van leeus in gevangenskap dra by tot die bewaring van die spesie nie.Volgens die HSA het dit die “ontstellende ontdekking” gemaak nadat leeutrofeë sedertdien die land “binnegestroom” het.Wayne Pacelle van die HSA het gesê terwyl Amerikaanse president Donald Trump onder druk geswig het om die invoer van olifanttrofeë vanuit Zimbabwe en Zambië “voorlopig” te verbied, oortree die USFWS deur geblikte leeutrofeë uit Suid-Afrika toe te laat.Pacell het die bedryf as “wreed” bestempel en gevra Trump moet die USFWS laat ondersoek.Hy wys daarop dat volgens die Suid-Afrikaanse regering se statistiek is daar sowat 6 000 geblikte leeus op 200 leeuplase in die land. Een leeu verkoop vir sowat US$20 000 (sowat R270 000) elk.Van die 1 052 geblikte leeus wat in 2015 “gejag” is, is 686 deur Amerikaanse jagters geskiet.Volgens Pacelle het HSA die Konvensie oor die handel in bedreigde spesies (Cites) se permitlyste in die hande gekry en daarvolgens gesien 280 permitte is toegestaan vir die jag van leeus in Suid-Afrika.Hy wys daarop dat Suid-Afrika self sukkel om, wat leeus betref, aan Cites se vereistes te voldoen.Die USFWS het in die onlangse verlede self verklaar dat net sowat ses wilde leeus jaarliks in Suid-Afrika gejag mag word.Pacelle het gesê Trump en sy minister van binnelandse sake, Ryan Zinke, moet die invoer van leeutrofeë uit Suid-Afrika “vir eens en vir altyd” stopsit.“Ons het die president (Trump) toegejuig toe hy 'n stokkie gesteek het voor die invoer van olifanttrofeë en nou moet hy dieselfde doen met leeutrofeë en alle bedreigde wild uit Afrika. Olifante, leeus en luiperds is almal bedreig ondanks die feit dat hulle aktief gejag is om hulle kwansuis te bewaar.” Laury Parramore, woordvoerder van die USFWS, het Maandag gesê dié diens het nie toestemming gegee vir die leeutrofeë om ingevoer te word nie. Alle leeutrofeë wat in 2016 en 2017 ingevoer is, is gejag voordat die Obama-regering in 2015 die invoer van leeutrofeë uit Suid-Afrika verbied het. - Netwerk24

Trump gevra om met leeutrofeë uit SA in te gryp

Kommentaar

Republikein 2026-02-06

Meld asseblief aan om kommentaar te lewer

Trump gevra om met leeutrofeë uit SA in te gryp

Kommentaar

Republikein 2026-02-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.