Trump gee Bannon die trekpas

Die Amerikaanse president Donald Trump het Vrydag sy hoofraadgewer Steve Bannon die trekpas gegee.Bannon is die ultraregse oudredakteur van die nuuswebwerf Breitbart News en is ’n uitgesproke “Leninis”.Hy het in die verlede geen geheim daarvan gemaak dat hy die Amerikaanse politieke elite heeltemal wil plattrap en permanent met ’n ultraregse stelsel wil vervang nie.Sarah Sanders, woordvoerder vir die Amerikaanse Withuis, het in ’n verklaring gesê Bannon en John Kelly, Trump se personeelhoof, het na onderhandelings ooreengekom dat Vrydag Bannon se laaste dag in die amp sal wees.“Ons is dankbaar vir sy diens en wens hom net die beste toe,” sê Sanders.Volgens ’n bron wat met die situasie vertroud is, is Bannon geleentheid gebied om op sy eie terme sy posisie te verlaat en het Trump die “laaste paar weke” oor sy besluit gewik en geweeg.Kelly het tot onlangs Bannon se rol in die Withuis geëvalueer.Volgens die bron is ’n besluit geneem om Bannon geleentheid te gee om self te gaan, eerder as om uit sy pos gedwing te word.Bannon het homself waarskynlik in die voet geskiet toe hy vandeesweek in ’n onderhoud met die liberale publikasie American Prospect skynbaar Trump se posisie oor Noord-Korea ondermyn het.Hy beweer hy het onder die indruk verkeer dat hy met ’n akademikus gepraat het en dat die gesprek nie op rekord was nie.Hy het glo aan vriende gesê hy sal nou na Breitbart News, waarvan hy in beheer was voordat hy Trump se veldtog om die presidentskap in Augustus 2016 aanvaar het, terugkeer. - Netwerk24

Trump gee Bannon die trekpas

Kommentaar

Republikein 2025-08-05

Meld asseblief aan om kommentaar te lewer

Trump gee Bannon die trekpas

Kommentaar

Republikein 2025-08-05

Meld asseblief aan om kommentaar te lewer

MELD AAN

Advertensie