Trump dalk goeie nuus vir diamante

Die aangewese Amerikaanse president, Donald Trump, kan dalk goeie nuus vir die diamantbedryf wees.“Dit (Trump as president) gaan waarskynlik op kort termyn positief wees met laer belasting en meer werkgeleenthede wat op meer besteebare inkomste neerkom en tot groter diamantverkope sal lei,” sê Bruce Cleaver, uitvoerende hoof van De Beers.As die nuwe president se beleide tot ’n groter vraag na luukse goedere in die VSA lei, sal dit volgens Cleaver die matige herstel wat vir diamantverkope voorspel word ’n hupstoot gee.De Beers, ’n filiaal van Anglo American, verwag verkope vir vanjaar gaan onveranderd, indien nie effens laer nie, teenoor 2015 wees weens die sterk dollar, waarna dit “effens” in 2017 sal verbeter.Voglens De Beers het pryse in die eerste helfte van 2016 met ongeveer 7% gedaal. Cleaver sê pryse vir gepoleerde diamante was “redelik stabiel” in die tweede helfte van die jaar.Die vooruitsig vir pryse in 2017 gaan volgens Cleaver nie baie van die maatskappy se geskatte verkope verskil nie.Op lang termyn sal die mark steun kry uit die vooruitsig dat die vraag die aanbod teen 2018 of 2019 sal oorskry, sê hy.Eksplorasie is moeilik en De Beers weet nie van enige ontdekkings wat sy aanbodkurwe sal verander nie.Nywerheidshulpbronne soos koper en ystererts se pryse het ná die presidentsverkiesing in die VSA gestyg met beleggers wat ’n bykomende vraag van tot US$1 000 miljard verwag weens besteding op infrastruktuur.Hoewel deregulering gewoonlik goed is vir sake is dit nog onduidelik wat die effek van Trump se beleid oor die res van die wêreld heen sal wees met ’n sterker dollar wat hulpbronne duurder maak in ander lande, sê Cleaver.Hy verwag ’n mate van konsolidasie in die slyp-, polering- en kleinhandelgedeeltes van die diamantbedryf, maar samesmeltings en verkrygings van mynmaatskappye is onwaarskynlik.China en Indië bied “wonderlike geleenthede” om vraag te groei, sê Cleaver.“Daar is meer potensiaal vir diamantverkope in groeiende lande waar ál meer middelklashuishoudings ontwikkel.” – Netwerk24/Bloomberg

Trump dalk goeie nuus vir diamante

Kommentaar

Republikein 2025-06-16

Meld asseblief aan om kommentaar te lewer

Trump dalk goeie nuus vir diamante

Kommentaar

Republikein 2025-06-16

Meld asseblief aan om kommentaar te lewer

MELD AAN

Advertensie