Trokdrywer verkrag glo ryloper

Otis Fink op Walvisbaai - Die polisie het 'n vragmotorbestuurder in verband met die verkragting van ’n ryloper in hegtenis geneem.Die verkragting het glo Woensdag sowat 10 km van Omaruru af op die Kalkfeldpad gebeur.Hoofinspekteur Erastus Ikuyu het die voorval bevestig en gesê die slagoffer, 'n 22 jarige vrou, het glo saam met die vragmotorbestuurder vanaf Arandis na Grootfontein gery. "Die verdagte het sy vragmotor geparkeer en seks by haar geëis. Toe sy weier, het hy haar gedreig en verkrag." Volgens Ikuyu het die slagoffer beweer die verdagte het op sy selfoon met 'n ander persoon, moontlik 'n ander vragmotorbestuurder, gepraat. "Die verdagte het glo aan die persoon gesê dat hy seks met 'n vrou in sy vragmotor gehad het en hom oorgenooi en gesê dit is sy beurt. 'n Ander vragmotorbestuurder het na 'n paar minute glo daar opgedaag en geparkeer. Die slagoffer het gesê sy moet gaan urineer, waarna sy die vragmotor verlaat en die bosse ingehardloop het," het Ikuyu vertel. Die slagoffer het glo haar kêrel op Arandis gebel. Hy het die polisie in kennis gestel en 'n beskrywing van die vragmotor en die plek waar die voorval na bewering plaasgevind het, gegee. "Die slagoffer se onderklere is in die vragmotor gevind. Die verdagte is 'n werknemer van 'n Walvisbaaise vervoermaatskappy," het Ikuyu gesê.Die verdagte sal vandag in die landdroshof op Omaruru verskyn. Ikuyu het die publiek gewaarsku om waaksaam te wees as hulle saamrygeleenthede by vreemdelinge aanvaar: "Maak liewer van openbare vervoer gebruik. Dis veiliger."

Trokdrywer verkrag glo ryloper

Kommentaar

Republikein 2025-05-21

Meld asseblief aan om kommentaar te lewer

Trokdrywer verkrag glo ryloper

Kommentaar

Republikein 2025-05-21

Meld asseblief aan om kommentaar te lewer

MELD AAN

Advertensie