Treë vir treë vir kindertyd se droom

462 km, 28 dae

20 July 2018 | Mense
Henriette Lamprecht – Sy het al met die soom van die Swakoprivier langs die rivier se kronkel gevolg tot waar dit in die Atlantiese Oseaan uitmond, en so kleintyd se droom verwesenlik in die 462 km wat sy afgelê het.

Me. Nikola Fahrbach, gebore op Tsumeb, het ook haar 49ste verjaarsdag op die staptog gevier.

Fahrbach se avontuur het by die Midgard Country Estate in die Khomasstreek by die oorsprong van die Swakoprivier begin en op Swakopmund geëindig.

Die Swakoprivier is 460 km lank en het ’n opvangsgebied van 30 100 vierkante kilometer. Die rivier het sy naam aan die Khoi-Khoi te danke, met Swakop (Tsoaxaub) wat ‘uitskeiding’ beteken en verwys na die hoeveelheid bruinerige slyk wat gesien kan word wanneer dit in die see loop.

Fahrbach se reis rivierlangs het haar aan die “asemrowende landskap” blootgestel wat die rivier se kronkel omring.

Ter voorbereiding van haar reis het sy die kleinste besonderhede in ag geneem en dit het Fahrbach ook ’n jaar geneem om haar beplanning te voltooi.

Sy moes eerstens seker maak sy het genoeg sekuriteit en water om die staptog suksesvol te voltooi. Fahrbach het beplan om net 15 tot 20 kilometer per dag oor ’n tydperk van ’n maand af te lê. Sy het plaaseienaars al langs die roete gekontak en van haar beplande staptog vertel en wat nie gehuiwer het om hul toestemming hiervoor te gee nie.

Op ’n Saterdagoggend, 28 April 2018, het haar stapreis begin.

“Ons het deur gebiede gestap met dik gras en bosse wat my hooikoors gegee het. Nog ’n uitdaging was die dik sand, maar ek het seker gemaak ek bly fokus op die einddoel en het aanhou stap,” vertel Fahrbach.

Wat betref wilde diere het sy net twee skadelose slange raakgeloop, terwyl ander diere soos kameelperde, bobbejane en koedoes haar “totaal geïgnoreer” het. Die kuns om suksesvol oor plaasdrade te klim, het sy ook gou bemeester.

“Elke dag het ’n hoogtepunt gehad. Die persoonlike ontmoetings met mense wat ek langs die pad teëgekom het, was spesiaal, bemoedigend en baie bevredigend.”

Met haar aankoms op Otjimbingwe in die Erongostreek, sowat 200 kilometer wes van Windhoek, het sy haar storie van durf en uithouvermoë om die reis aan te pak, met plaaslike inwoners gedeel.

’n Vrou het dit hier so mooi opgesom, sê Fahrbach.

“Die rede hoekom sy dit doen, is omdat haar hart vir haar gesê om dit te doen en sy het geluister.”

Die mees uitdagende deel van die staptog was die dag wat sy deur die Namibwoestyn begin stap het en dit skielik begin reën het. Al die toerusting wat sy by haar gehad het, was deurdrenk en haar klere het gevoel “soos ys wat aan my vel vasgestik is”.

Fahrbach het deurgaans drie liter water, neute, Provita-beskuitjies, geblikte mossels, soutvleis en ’n satelliettelefoon vir noodgevalle by haar gehad.

“Die res van my kamptoerusting het elke aand saam met verskeie avonturiers gekom wat my deur die hele staptog ondersteun het. Hulle het die staptog baie ernstig opgeneem en dit het my gemotiveer om aan te hou stap. Ek het veilig, nederig en beskermd gevoel. Ek is baie dankbaar vir hul ondersteuning en sal nooit die individue vergeet wat in my geglo en my droom ondersteun het nie.”

Fahrbach het 28 dae later uiteindelik Swakop bereik en hoewel sy uitgeput ná die lang afstand was, was sy verheug om ’n skare vriende en familie te sien wat haar op die strand met sjampanje ingewag het.

“Dit was ’n baie emosionele en gelukkige oomblik. Ek sal altyd my wonderlike ‘groot stap’ vir die res van my lewe onthou. Dankie aan elkeen wat my gehelp het om dit te bereik.”

Soortgelyk

 

Hepatitis E woed landswyd voort

1 dag gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

1 dag gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

1 dag gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

1 dag gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

1 dag gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

1 dag gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

1 dag gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

1 dag gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

1 dag gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...