TransNamib soek N$2,5 miljard vir regrukplan
Die vervoerreus se uitvoerende hoof meen dit is moontlik om die maatskappy weer op die been te kry met 'n lening eerder as verdere staatshulp.
Elvira Hattingh - TransNamib wil sy eiendomme ter waarde van meer as N$2 miljard as sekuriteit bied om ‘n lening van N$2,5 miljard aan te gaan om die maatskappy sodoende binne vier jaar weer winsgewend te maak.
Die geld moet gebruik word om ‘n vyfjaar- omkeerstrategie te implementeer en nuwe treine en tegnologie, infrastrustruktuur, lopende voorraad en bates te koop en hul infrastruktuur te onderhou.
TransNamib se uitvoerende hoof, mnr. Johny Smith, het gister aan Republikein gesê dit is tyd dat TransNamib op die regte spoor kom sodat die maatskappy weer ‘n wins kan toon.
Dít volg ná hy tydens ‘n vergadering Woensdag met die parlementêre portefeuljekomitee belas met ekonomiese en openbare administrasie gesê het TransNamib vra nie om deur die regering gefinansier te word nie, maar eerder ‘n geleentheid om op sy eiendomme te steun om ‘n lening te bekom.
Smith sê hy is oortuig TransNamib het geen ander keuse as om ’n lening aan te gaan nie.
“Ons moet TransNamib weer winsgewend maak, ons kan nie langer op die regering en die belastingbetaler se beursies staatmaak nie,” het hy gister in ‘n telefoniese onderhoud aan Republikein gesê.
“Ons is ernstig daaroor om TransNamib reg te ruk. Ek noem hierdie ‘n projek. Dit is beslis nie ‘n maklike projek nie, maar dit is ‘n moontlike projek.
“Die lening is net ‘n beginpunt, en hoewel dit meer is as die waarde van ons eiendomme, gaan ons die geld gebruik en jaarliks daarmee ‘n groter inkomste voortbring. Dis ‘n proses wat ons ook voortdurend gaan hersien.”
Smith sê hierdie is ‘n omkeerstrategie om TransNamib weer binne vier jaar weer winsgewend te maak.
“Ons wil op geleenthede in die toekoms fokus om TransNamib weer ‘n winsgewende maatskappy te maak, want dit is moontlik. Ons wil die verlede agter ons sit, want dit is nie ‘n mooi verlede nie,” het hy bygevoeg.
“Dit beteken nie ons wil die N$2,5 miljard reeds in die eerste jaar hê nie, dit is oor ‘n tydperk van vyf jaar om ons plan in werking te stel,” het hy verduidelik.
Volgens ‘n Nampa-berig het Smith Woensdag ‘n sakeplan aan die komitee voorgelê en gesê TransNamib het ‘n verlies van N$317 miljoen teen Maart 2018 gely.
Hy het voorspel die maatskappy sal in die 2018-’19-boekjaar nog ‘n verlies van N$315 miljoen ly, in die 2019-’20-boekjaar ‘n verlies van N$119 miljoen, en in 2020-’21 ‘n finale verlies van N$24 miljoen.
Smith het verseker die maatskappy sal teen Maart 2022 ‘n jaarlikse wins van N$73 miljoen maak.
“Die plan is duidelik in terme van hoeveel geld ons in jaar een, twee, drie, vier en vyf benodig,” het hy volgens Nampa gesê.
Mnr. Usutuaije Maamberua, ’n komiteelid, wou weet of TransNamib se eiendomme genoeg sal wees om so ‘n lening te bekom en of hulle steeds ‘n waarborg van die regering daarvoor gaan benodig, berig Nampa.
Smith het gesê die keuse om eiendom as sekuriteit aan te bied is in die kabinet se hande omdat hulle die sakeplan steeds moet goedkeur.
Smith het aan Republikein gesê hy verwelkom die media en hoop om ‘n oop verhouding met die media te bou sodat Namibiërs se vertroue in TransNamib herstel kan word.
Die geld moet gebruik word om ‘n vyfjaar- omkeerstrategie te implementeer en nuwe treine en tegnologie, infrastrustruktuur, lopende voorraad en bates te koop en hul infrastruktuur te onderhou.
TransNamib se uitvoerende hoof, mnr. Johny Smith, het gister aan Republikein gesê dit is tyd dat TransNamib op die regte spoor kom sodat die maatskappy weer ‘n wins kan toon.
Dít volg ná hy tydens ‘n vergadering Woensdag met die parlementêre portefeuljekomitee belas met ekonomiese en openbare administrasie gesê het TransNamib vra nie om deur die regering gefinansier te word nie, maar eerder ‘n geleentheid om op sy eiendomme te steun om ‘n lening te bekom.
Smith sê hy is oortuig TransNamib het geen ander keuse as om ’n lening aan te gaan nie.
“Ons moet TransNamib weer winsgewend maak, ons kan nie langer op die regering en die belastingbetaler se beursies staatmaak nie,” het hy gister in ‘n telefoniese onderhoud aan Republikein gesê.
“Ons is ernstig daaroor om TransNamib reg te ruk. Ek noem hierdie ‘n projek. Dit is beslis nie ‘n maklike projek nie, maar dit is ‘n moontlike projek.
“Die lening is net ‘n beginpunt, en hoewel dit meer is as die waarde van ons eiendomme, gaan ons die geld gebruik en jaarliks daarmee ‘n groter inkomste voortbring. Dis ‘n proses wat ons ook voortdurend gaan hersien.”
Smith sê hierdie is ‘n omkeerstrategie om TransNamib weer binne vier jaar weer winsgewend te maak.
“Ons wil op geleenthede in die toekoms fokus om TransNamib weer ‘n winsgewende maatskappy te maak, want dit is moontlik. Ons wil die verlede agter ons sit, want dit is nie ‘n mooi verlede nie,” het hy bygevoeg.
“Dit beteken nie ons wil die N$2,5 miljard reeds in die eerste jaar hê nie, dit is oor ‘n tydperk van vyf jaar om ons plan in werking te stel,” het hy verduidelik.
Volgens ‘n Nampa-berig het Smith Woensdag ‘n sakeplan aan die komitee voorgelê en gesê TransNamib het ‘n verlies van N$317 miljoen teen Maart 2018 gely.
Hy het voorspel die maatskappy sal in die 2018-’19-boekjaar nog ‘n verlies van N$315 miljoen ly, in die 2019-’20-boekjaar ‘n verlies van N$119 miljoen, en in 2020-’21 ‘n finale verlies van N$24 miljoen.
Smith het verseker die maatskappy sal teen Maart 2022 ‘n jaarlikse wins van N$73 miljoen maak.
“Die plan is duidelik in terme van hoeveel geld ons in jaar een, twee, drie, vier en vyf benodig,” het hy volgens Nampa gesê.
Mnr. Usutuaije Maamberua, ’n komiteelid, wou weet of TransNamib se eiendomme genoeg sal wees om so ‘n lening te bekom en of hulle steeds ‘n waarborg van die regering daarvoor gaan benodig, berig Nampa.
Smith het gesê die keuse om eiendom as sekuriteit aan te bied is in die kabinet se hande omdat hulle die sakeplan steeds moet goedkeur.
Smith het aan Republikein gesê hy verwelkom die media en hoop om ‘n oop verhouding met die media te bou sodat Namibiërs se vertroue in TransNamib herstel kan word.
Kommentaar
Republikein
Geen kommentaar is op hierdie artikel gelaat nie