TransNamib het spoorlyn Maandag geïnspekteer

TransNamib het in ‘n mediaverklaring bevestig dat die ernstig beseerde persoon in die treinongeluk gisteraand tussen Mariental en Keetmanshoop, vandag na Windhoek met ‘n private ambulans vervoer is. “Die beseerde persoon het vermoedelik ‘n fraktuur opgedoen, maar wag nog vir die X-strale,” het die hoof van korporatiewe kommunikasie, me. Abigail Raubenheimer, gesê. Sy sê TransNamib betreur die ongeluk wat omstreeks 22:30 tussen Brukkaros en Asab, sowat 115 km vanaf Keetmanshoop, plaasgevind het. Die trein was vanaf Keetmanshoop na Windhoek met 75 passasiers en drie TransNamib-personeellede onderweg. “Die lokomotief, drie passasierswaens en een wa het ontspoor. Nooddienste was dadelik na die toneel ontbied. Altesaam 37 passasiers en die drie personeellede is na die Keetmanshoop-hospitaal geneem.”Volgens Raubenheimer dui die voorlopige ondersoek aan dat die treinspoor weens die onlangse reën in die Suide weggespoel het. “TransNamib het voor die reis die spoorlyn geïnspekteer. Die laaste inspeksie is op Maandag, 21 Desember gedoen,” het sy bevestig. Raubenheimer sê noodpersoneel is op die toneel om inligting in te samel, maatreëls vir veilige toerusting te implementeer en te verseker dat die gebied veilig is. “Sodra die gebied veilig is, sal ‘n deeglike ondersoek na die oorsaak van die ongeluk van stapel gestuur word, asook ‘n plan om die spoorlyn te herstel.”TransNamib bedank die nooddienste en almal wat hulp verleen het vir hul ondersteuning.“Ons spreek ons diepste jammerte aan die beseerdes uit en sal alle moontlike hulp aan hulle verskaf,” sê Raubenheimer. Foto verskaf

TransNamib het spoorlyn Maandag geïnspekteer

Kommentaar

Republikein 2025-10-31

Meld asseblief aan om kommentaar te lewer

TransNamib het spoorlyn Maandag geïnspekteer

Kommentaar

Republikein 2025-10-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.