TransNamib-bestuurder uit op borgtog

Catherine Sasman – Mnr. Chris Simataa, TransNamib se hoof van verkryging wat van korrupsie aangekla is, is Vrydag in die Windhoekse landdroshof borgtog van N$60 000 toegestaan. Hy is deur die nasionale vervoerder met volle betaling van sy amp geskors.Simataa is op borgtog vrygelaat op die voorwaarde dat hy nie direk of indirek met die voortgesette polisieondersoek inmeng nie.Landdros Melissa Mungunda het beveel dat die uitsteldatum, 28 September, van krag bly.Staatsaanklaer Bernadine Bertollini het Donderdag die borgtogaansoek teengestaan. Sy het betoog dat die ondersoeke na die beweerde misdaad nog in die beginstadium is en die staat besorg is dat Simataa met die polisieondersoek mag inmeng indien hy op borgtog vrygelaat word.Simataa is verlede Dinsdagaand in ’n geheime operasie deur die Teenkorrupsiekommissie (ACC) in hegtenis geneem en in die selle by die Windhoek-polisiekantoor aangehou.Dit word beweer dat hy die dag tevore probeer het om N$50 000 van mnr. Jannie Basson af te pers vir wie hy in ruil die toekenning van ’n skrootwerfbesturingstender beloof het.Simataa word ingevolge die teenkorrupsiewet aangekla vir die gebruik van sy amp of posisie vir beloning en vir die korrupte aanvaarding van vergoeding as ’n beloning.TransNamib se uitvoerende hoof, mnr. Ferdinand Ganaseb, het gesê Simataa het die skorsingsbrief gister by die semi-staatsinstelling se hoofkantoor afgehaal.Hy het gesê TransNamib wag steeds op ’n verslag van die ACC sodat die instelling met sy eie dissiplinêre proses teen Simataa kan begin.

TransNamib-bestuurder uit op borgtog

Kommentaar

Republikein 2026-02-04

Meld asseblief aan om kommentaar te lewer

TransNamib-bestuurder uit op borgtog

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.