Transfobiese aanval kos polisie N$50 000

Jana-Mari Smith – Skadevergoeding van N$50 000 is Vrydag deur die hoërhof toegestaan aan 'n transgender vrou nadat sy vyf jaar gelede aangerand en onwettig in hegtenis geneem is.Regter Esi Schimming-Chase het bevind dat me. Mercedez von Cloete “duidelik verkeerdelik en onwettig gearresteer en aangerand is deur konstabel Kavari”.Volgens die uitspraak is die klaagster beledig en verneder. Sy was volgens die hof ook die slagoffer van diskriminasie. Von Cloete se geslagsidentiteit was volgens Schimming-Chase 'n belangrike faktor in die oorweging van die eis.“Polisiebeamptes is wetlik verplig om alle lede van die Namibiese gemeenskap te beskerm, ongeag hul geslag,” lui die uitspraak.Kavari kon nie opgespoor word om te getuig nie.Sy gedrag was volgens die hof 'n “teleurstellende en opperste skending van sy professionele pligte teenoor die publiek”.Die aanval op Von Cloete het op 6 Julie 2017 by 'n kitskosrestaurant in Windhoek plaasgevind.Von Cloete het kort ná die uitspraak gesê: “Ek is ekstaties. Dit maak my 'n bietjie meer hoopvol en optimisties dat geregtigheid werklik in Namibië bestaan; dat dit moontlik is om jou op die regstelsel te beroep en dat die waarheid altyd sal seëvier.”Enigiemand wat aan wrede en onregverdige behandeling onderwerp word, moet volgens haar nie bang wees om op hul regte op te eis nie.Die polisie het aangevoer dat Von Cloete vir Kavari uitgelok het tot geweld. Die regter het die bewering ronduit verwerp.“'n Mens kan net verbeel wat die impak op die psige is om deur 'n polisieman in siviele drag opgelaai te word, met inhegtenisneming gedreig te word, onwettig gearresteer te word; dan aangerand en beledig te word en daarna afgelaai te word sodat die polisiebeampte plesierig op sy weg kan gaan asof niks ernstig gebeur het nie.”Die hof het benadruk dat die klaagster voor haar inhegtenisname aangerand is en weer toe sy by die polisiestasie aangekom het. Videogetuienis hiervan is aan die hof getoon.“Die polisiebeampte het die verantwoordelikheid gehad om op 'n opgeleide en professionele wyse op te tree. In stede daarvan het hy 'n lid van die publiek aangerand asof dit 'n reg is,” het Schimming-Chase beoordeel.Von Cloete het die polisie in 2018 met die Regshulpsentrum (LAC) se bystand gedagvaar. Sy is verteenwoordig deur me. Unomwinjo Katjipuka-Sibolile van mnr. Nixon Marcus se praktyk.Katjipuka-Sibolile het aangevoer dat Kavari se optrede 'n haatmisdaad was, wat al meer gereeld in Namibië plaasvind.Die staat het vir 'n toekenning van hoogstens N$10 000 gevra.

Transfobiese aanval kos polisie N$50 000

Kommentaar

Republikein 2025-05-02

Meld asseblief aan om kommentaar te lewer

Transfobiese aanval kos polisie N$50 000

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie