Transaksie met Chinese gestop
Die Bank of New York het ‘n stokkie gesteek voor die Namibiese ministerie van verdediging se betaling aan ‘n Chinese maatskappy.
Estelle de Bruyn - Die ministerie van verdediging het in die vorige finansiële jaar ‘n bedrag van N$653 794 000 aan die tesourie terugbetaal.
Dit ná ’n Amerikaanse bank betaling aan ‘n Chinese verskaffer gestaak het.
Volgens die minister van verdediging, mnr. Penda ya Ndakolo, was die geld onder die subbegrotingspos “Wapens en Ammunisie”, bedoel vir die kontraktuele betalings vir die aankoop en vervoer van onderdele vir vliegtuie van Poly Technologies, ‘n Chinese maatskappy.
Volgens Ya Ndakolo is die geld, wat deur die Bank of New York uitbetaal sou word, voor die einde van die finansiële jaar deur die bank aan Namibië terugbetaal.
Dit het meegebring dat die verdedigingsbegroting vir 2016-'17 van N$6 600 539 000 afwaarts aangepas is tot N$5 945 000.
Vertragings van projek-implementering vanweë die afhanklikheid van buitelandse verskaffers is een van die struikelblokke wat deur Ya Ndakolo tydens die motivering van sy begroting genoem is.
Hy sê verdedigingstoerusting is nie geredelik op winkelrakke beskikbaar nie en omslagtige prosesse om toestemming vir die oordrag van buitelandse geld te kry, bemoeilik die ministerie se werk.
Poly Technologies is ‘n filiaal van die China Poly Groep Korporasie, ’n maatskappy wat verdedigingstoerusting vervaardig en waarvan die hoofkantoor in Beijing, China is.
Volgens ‘n verslag van die Chinese ministerie van handel in 2005 verdien dié maatskappy jaarliks tien miljarde Amerikaanse dollar in buitelandse valuta vir die Chinese regering.
Dit is dieselfde maatskappy wat betrokke was by die verskeping van wapens na Zimbabwe voor die 2008-verkiesingskrisis in die land. Die besending wapentuig is gestop en toegang tot Suid-Afrikaanse hawens geweier voor dit kon anker gooi.
Die Global Post het in 2013 berig dat Poly Technologies reeds vir ‘n geruime tyd op Amnestie Internasionaal se radar is vanweë wapenverskeping na konflikgebiede, veral in Afrika en omdat die maatskappy nie aan enige internasionale menseregtestandaarde voldoen wat op die uitvoer van wapens van krag is nie, het die hoof van Amnestie Internasionaal se kantoor in Washington, Frank Jannuzi, aan die koerant gesê.
“Om skepties te wees oor die Chinese se vermoë om hul eie wapenhandel te reguleer is geldig wanneer dit by ‘n maatskappy soos Poly kom,” het Jannuzi bygevoeg.
‘n Verslag van die Rand Corporation, ‘n globale dinkskrum, in 1997, sê die maatskappy is ‘n frontorganisasie vir die Chinese volk se bevrydingsleër.
Die verslag het die maatskappy gekritiseer vir die onwettige uitvoer van 2 000 AK-47 aanvalswapens na Amerika in 1996.
Poly Technologies doen volgens Amnestie Internasionaal ook sake met Soedan, Sirië en Iran.
Ya Ndakolo het in sy begrotingsmotivering ook gekla oor die gebrek aan prestasie deur sommige swart ekonomiese bemagtigingskontrakteurs en -verskaffers.
Volgens Ya Ndakolo is sy ministerie se werksaamhede ook in die wiele gery deur begrotingsbesnoeiings wat verlede jaar deur die minister van finansies aangekondig is toe Namibië ekonomies in diep waters was.
Dit ná ’n Amerikaanse bank betaling aan ‘n Chinese verskaffer gestaak het.
Volgens die minister van verdediging, mnr. Penda ya Ndakolo, was die geld onder die subbegrotingspos “Wapens en Ammunisie”, bedoel vir die kontraktuele betalings vir die aankoop en vervoer van onderdele vir vliegtuie van Poly Technologies, ‘n Chinese maatskappy.
Volgens Ya Ndakolo is die geld, wat deur die Bank of New York uitbetaal sou word, voor die einde van die finansiële jaar deur die bank aan Namibië terugbetaal.
Dit het meegebring dat die verdedigingsbegroting vir 2016-'17 van N$6 600 539 000 afwaarts aangepas is tot N$5 945 000.
Vertragings van projek-implementering vanweë die afhanklikheid van buitelandse verskaffers is een van die struikelblokke wat deur Ya Ndakolo tydens die motivering van sy begroting genoem is.
Hy sê verdedigingstoerusting is nie geredelik op winkelrakke beskikbaar nie en omslagtige prosesse om toestemming vir die oordrag van buitelandse geld te kry, bemoeilik die ministerie se werk.
Poly Technologies is ‘n filiaal van die China Poly Groep Korporasie, ’n maatskappy wat verdedigingstoerusting vervaardig en waarvan die hoofkantoor in Beijing, China is.
Volgens ‘n verslag van die Chinese ministerie van handel in 2005 verdien dié maatskappy jaarliks tien miljarde Amerikaanse dollar in buitelandse valuta vir die Chinese regering.
Dit is dieselfde maatskappy wat betrokke was by die verskeping van wapens na Zimbabwe voor die 2008-verkiesingskrisis in die land. Die besending wapentuig is gestop en toegang tot Suid-Afrikaanse hawens geweier voor dit kon anker gooi.
Die Global Post het in 2013 berig dat Poly Technologies reeds vir ‘n geruime tyd op Amnestie Internasionaal se radar is vanweë wapenverskeping na konflikgebiede, veral in Afrika en omdat die maatskappy nie aan enige internasionale menseregtestandaarde voldoen wat op die uitvoer van wapens van krag is nie, het die hoof van Amnestie Internasionaal se kantoor in Washington, Frank Jannuzi, aan die koerant gesê.
“Om skepties te wees oor die Chinese se vermoë om hul eie wapenhandel te reguleer is geldig wanneer dit by ‘n maatskappy soos Poly kom,” het Jannuzi bygevoeg.
‘n Verslag van die Rand Corporation, ‘n globale dinkskrum, in 1997, sê die maatskappy is ‘n frontorganisasie vir die Chinese volk se bevrydingsleër.
Die verslag het die maatskappy gekritiseer vir die onwettige uitvoer van 2 000 AK-47 aanvalswapens na Amerika in 1996.
Poly Technologies doen volgens Amnestie Internasionaal ook sake met Soedan, Sirië en Iran.
Ya Ndakolo het in sy begrotingsmotivering ook gekla oor die gebrek aan prestasie deur sommige swart ekonomiese bemagtigingskontrakteurs en -verskaffers.
Volgens Ya Ndakolo is sy ministerie se werksaamhede ook in die wiele gery deur begrotingsbesnoeiings wat verlede jaar deur die minister van finansies aangekondig is toe Namibië ekonomies in diep waters was.
Kommentaar
Republikein
Geen kommentaar is op hierdie artikel gelaat nie