Toys ‘R’ Us veg teen bankrotskap

Die speelgoedgroep Toys ‘R’ Us wil geld leen om te keer dat hy bankrot verklaar word.Dit is volgens bronne wat sê die maatskappy is onder soveel druk weens aanlyn mededingers soos Amazon.com en afslagwinkels soos Wal-Mart in die VSA dat hy dalk al voor die feestyd bankrot gaan wees.Die Wall Street Journal het vroeër berig die maatskappy oorweeg dit om aansoek om hoofstuk 11-beskerming in die Amerikaanse likwidasiehof in Richmond, Virginië, te doen.Meer as ’n dosyn groot kleinhandelaars in die VSA het reeds vanjaar om bankrotskap aansoek gedoen, maar nie een is so groot soos dié speelgoedgroep nie.Die groep, wat meer as 1 600 winkels wêreldwyd het, het tans meer as US$5 miljard se skuld.’n Lening van verskeie miljoene Amerikaanse dollar as deel van ’n poging om bankrotskap af te weer, sal die groep se verskaffers gerusstel dat hy hulle vir hope sagte speelgoed, aksiefigure en poppe kan betaal om genoeg voorraad op sy rakke voor die begin van die feesseisoen te hê.Die bronne sê deel van die kleinhandelaar se huidige geldprobleme is verskaffers wat bekommerd is dat hy bankrot kan speel en dan van hom vereis dat hy sy skuld vinniger moet betaal.Toys ‘R’ Us het reeds gesê hy werk met ’n beleggingsbank om te sien wat hy met US$400 miljoen se skuld gaan doen wat volgende jaar betaalbaar word.Volgens Toys ‘R’ Us se Suid-Afrikaanse webwerf het hy meer as 60 winkels in die buurland. – Netwerk24/Reuters

Toys ‘R’ Us veg teen bankrotskap

Kommentaar

Republikein 2025-05-15

Meld asseblief aan om kommentaar te lewer

Toys ‘R’ Us veg teen bankrotskap

Kommentaar

Republikein 2025-05-15

Meld asseblief aan om kommentaar te lewer

MELD AAN

Advertensie